“Advogadu Conoco-Woodside Hakiduk”

.

Jornal Timor Post - Sabadu, 24 Novembru 2012 

Advogadu ba kazu kompania internasional Chonoco Philips-Woodside rezigna an (hakiduk), tanba entre advogadu sira oras ne’e dadaun hadau malu hela kazu refere. 

Advogadu Pedro Aparicio ne’ebe hetan fiak husi kompania ChonocoPhilips-Woodside atu sai sira nia defeza hateten nia sei deside rezignasaun husi defende ba kazu ne’e, ho razaun prinsipal katak, depois de estadu Timor Leste loke odamatan advogadu internasional sira mai koalia barak katak, sira maka hatene liu prosesu refere. 

 “Hau desidi diak liu rezigna an nu’udar advogadu ba kazu ChonocoPhilips-Woodside,” dehan nia ba Timor Post, Kuarta (22/11) iha Tribunal Distrital Dili (TDD). 

Antes ne’e, molok lori kazu refere hodi rejistu iha Tribunal Distrital Dili, kompania internasional rua ChonocoPhilips-Woodside fo ona sira nia konfiansa ba advogadu Pedro Aparicio atu defende sira iha Tribunal hasoru Estadu. 

No ida nee hatudu ba publiku katak, kompania internasional hakarak valoriza servisu professionalidade ne’ebe advogadu sira iha, maibe derepenti advogadu nee tenki dada a’an tanba mosu konflitu interese entre advogadu sira. 

.