“Loron 90 Ba V Governu, SEAV Rekonese Iha Obstaklu”

.

Jornal Nacional Diario - Sesta-feira, 09 Novembru 2012 

Formasaun V Governu iha dia 8 fulan Agusto tinan ne’e, no agora tama ona ba loron 8 Fulan Novembro kompleta ona ba loron90, maibe iha loron 90 iha parte Sekretariu Estadu Asuntu Veteranus (SEAV) sei hasoru obstaklu boot tanba problema veteranus seidauk rezolve hotu. 

Nune’e, SEAV Juliao Sarmento ‘Meta Malik’ hateten katak, tama ba loron ida ne’e, SEAV rekonese iha servisu balun maka konsege sira ultrapasa ona maibe iha servisu balun maka seidauk bele halo. Servisu SEAV, nia dehan, la hanesan ho Ministeriu sira seluk hodi tur oinsa atu halo planu ne’ebe mak iha. 

“Adves hau halo planu mos la biban, bainaka mak mai problema ida ne’e hanesan, problema ida ohin, problema ida aban, problema ida semana oin problema ida deit, ne’ebe hau tur atu halo planu oituan mos labele mash au rezolve to’o buat ne’e komesa redus,” dehan nia. 

Nia esplika, loron primeiru wainhira nia tama no assume kargu hanesan SEAV iha MSS nee tama hodi konese fatin servisu ne’e diak ka lae, depois segundu dia tama ba posse no kolabora ho Ministeriu Estatal  hodi observa osuario ho rezolve problema balun iha monumentu. 

.