Jornal Timor Post - Kuarta-feira, 07 Novembru 2012
Reprezetante povu iha uma fukun Parlamentu Nasional (PN) husi bancada
Parlamentar FRETILIN, liu husi plenaria tersa (06/11), kestiaona
kondisaun estrada nebe la hetan atensaun husi governu maske
komemorasaun 100 ano revolusaun funu Manufahi besik dadaun ona.
Komemorasaun tinan 100 Dom Boaventura ninian ne’ebe sei partisipa
tomak husi orgaun hotu-hotu, no mos konvidadus internasional sira.
“Hau hakarak fo hanoin katak, oras ne’e dadaun dalan sira ne’ebe mak
liga ba Same kondisaun laos at, maibe a’at liu tiha ona,” dehan
deputadu Leonel Marcal.
Nia akresenta katak, dalan sira ne’e kuak atu sai ona hanesan bee
kolam nia fatin ne’ebe ita ho trasporte tama ba la hetan estrada tanba
rai rahun bainhira tempu bai loron no tahu barak bainhira tempu udan.
Ba kestaun ne’e, nia mos duvida, karik iha serimonia ne’e kondisaun
klima la diak maka sei fo impaktu la diak ba serimonia ne’e.
Entertantu, liu husi karta komunikadu ne’ebe diariu ne’e asesu husi
Konselu Ministru katak, komisaun Nasional organizasaun ba aniversariu
proklamasaun Independensia RDTL da-37 no tinan atus ida Revolusaun
Manufai no rekonesementu ba Don Boaventura halo pontu situasaun ida
kona-ba preparasaunkomemorasaun sira neebe sei hala’o husi loron 25
to’o 30 fulan Novembro.
.
Sem comentários:
Enviar um comentário
Nota: só um membro deste blogue pode publicar um comentário.