“Membru PNTL Nia Laen Uza Pistola Ameasa Povu”

.

Jornal Nacional Diario - Kuarta-feira, 14 Novembru 2012 

Reprezetante povu iha uma fukun Parlamentu Nasional, husi Bancada FRETILIN, David Diaz ximenes, hateten katak, membru Polisia feto ida intrega kilat ba nia laen hodi ameasa povu. 

Akontesementu inresponsablidade ne’e akontese iha Bidau foin lalais, ne’ebe Polisia feto ida nia laen kaer Pistola Estadu nian tiru sae dala rua, tanba problema rain ain ne’ebe sira hela ba. 

 “Sira sosa tiha rai, ema rain ain sira kala koalia la kona nia laran, nia laen halai sai mai kaer pistola tiru sae tiha, i depois nia fen Policia ne’e mos halai sai mai husi kuartu, hasai pistola husi nia laen lima hodi tiru sae tan, sira nain rua ne’e kaer pistola troka malu,” informa deputadu david Diaz Ximenes ba Jornalista Tersa (13/11) iha Parlamentu Nasional. 

 Hafoin ida ne’e, David Diaz Ximenes hasaran katak, komunidade sira iha parte ne’ebe bolu polisia seluk, sira ba mai maibe hare deit la halo atuasaun ba problema refere. 

Tanba ne’e, david dehan, lolos ne’e Polisia feto ne’ebe entrega Pistola ba nia laen ne’e, sira tenki kaer para halo detensaun preventiva nasional. Iha sorin seluk, Deputadu Jacinto Valente husi bancada CNRT mos hateten katak, grupu deskoinesidu ida mos lori kilat ba tiru iha nia uma oin hodi ameasa nia. 

 “Depois de tiru 2 minutu hanesan ne’e, fila mai manobra tan kilat ne’e iha hau nia uma oin, kala nia obriga hau atu sai para sira halo buat ruma, maibe, hau hatene, tenik nia. 

 Nia husu ba deputadu sira hotu atu atensaun ba problema ida ne’e, atu problema ida ne’e labele akontese tan.

.