Jornal Nacional Diario - Sesta-feira, 22 Fevereiru 2013
Xefi Bancada Partidu Demokratiku (PD) iha Parlamentu Nasional, Adriano
do Nascimento hateten katak, Bancada PD pronto sai opozisaun, kuandu
Bancada FRETILIN hakarak tama ba Governu.
“Ita haree deit buat ida politika ne’e hanesan dinamiku, ba PD buat
ida politika sempre iha ameasa partidu ne’ebe de’it, maibe PD nia
Pozisaun mak ne’e, firme, ami pernah sai opozisaun periodu ida tiha
ona,” dehan Adriano ba JNDiario Kinta (21/2) iha Parlamentu Nasional.
Nia akresenta, Bancada PD prontu sai opozisaun iha kualker oras, iha
ne’ebe de’it no hola parte iha Governu mos PD pronto, tanba politika
ne’e la’os estatiku.
Nia afrima, Politika ne’ebe agora FRETILIN amostra ne’e, Bancada PD
fiar sei la fo ameasa ba pozisaun PD nian iha PN, tanba PD lakohi atu
sai traidor ba memorandum koligasaun entre CNRT, PD no Frenti-Mudanca,
ne’ebe halo tiha ona katak sei la halo traisaun ba malu hodi dada an
iha dalan klaran.
“FRETILIN dadauk ne’e hatudu postura politika ida foun, ida ne’e
consensus ida husi lideransa nasaun ida ne’e nian, tanba sira mos
hatudu imajen ida ne’ebe diak ba jerasaun foun, bainhira estafeta
nasaun ida nian hodi entrega ba jerasaun foun,” dehan nia.
Entertantu, liu husi deputadu Estanislau da Silva, afirma mos katak,
Bankada FRETILIN sei la fraku iha PN hanesan ema barak koalia, maibe
FRETILIN sei forsa nafatin.
“Laos tamba FRETILIN simu kareta Prado ne’e mak agora dadaun ne’e
opozisaun fraku, la’e, ami simu kareta ne’e para hodi halo servisu,
hau uluk mos iha kareta Prado hau fo fila, laos hau primeiraves hau
sa’e kareta prado ne’e, kareta prado ne’e folin a’as tebe-tebes,
kompara ho povu nia moris ne’ebe mak sei mukit,” esplika Estanislau da
Silva.
Tuir Estanislau, lideransa Timor oan sira hamutuk ne’e la signifika
FRETILIN atu tama governu, maibe FRETILIN hakarak fo kontribuisaun
hodi bele hetan consensus ba dezenvolvimentu rai ida ne’e.
.
Sem comentários:
Enviar um comentário
Nota: só um membro deste blogue pode publicar um comentário.