“Lucia Lobatu Hetan Moras Iha Prizaun”

.

Notisia Husi TVTL - Tersa-Kalan, 26 Fevereiru 2013 

Prijioneira Lucia Lobatu hala’o tratamentu iha Hospital Nasional Guido Valadares (HNGV) tamba kondisaun saude la premite, hafoin de hala’o tratamentu, Lucia Lobatu fila hikas ba Prizaun Gleno. 

Prijioneira Lucia Lobatu Tersa Feira ne’e akompania husi guarda Prizionais ba hala’o tratamentu iha Hospital Nasional fuido valadares tamba moras. 

Idelfonso da Costa Nunes nu’udar Dotor ne’ebe hala’o tratamentu ba Lucia Lobatu hateten, oras ne’e seidauk bele identifika moras ne’ebe Lucia Lobatu hasoru, tamba ne’e sei hala’o analiza ran atu hatene klaru moras ne’ebe afeita ba Lucia Lobatu. 

Entertantu Prizioneira Lucia Lobatu hateten, durante ne’e nia senti isin manas prukauza husi iklima ne’ebe malirin. “Hau mai halo tratamentu hodi hasai resis, hasai ran hodi koko, hau nia moras ne’e dotor mak bele hatene,” dehan Lucia Lobatu. 

Nune’e mos, Ministru da Justica Dionisio Babo to’o kedas iha Hospital Nasional Guido valadares hodi haree diretamente kondisaun Lucia LObatu, wainhira konfirma kona ba Lucia Lobatu tenki ba hala’o tratamentu iha Rai liur, Dionisio Babo hateten, ne’e desizaun ne’ebe tebki haree, maibe husu atu prizioneiru hotu tenki hetan tratamentu ne’ebe diak no hanesan. 

.