“PR Taur Refujia Ba Palasiu Nobre”

.

Foto, blogue Livro das Contradições

Jornal Independente - Tersa-feira, 19 Fevereiru 2013 

Udan bo’ot ne’ebe turu rai iha loron sabadu, husik hela marka boot ba kapital Dili, inundasaun ne’e, obriga Prezidenti Republika Taur Matan Ruak tenki refujia ba Palacio Nobre, lahane, Dili, Tanba palacio iha Aitarak laran nakonu ho bee no taho. 

Entertantu komunidade iha aitarak laran halo protesta maka’as husu responsablidade Kompania Consorsiom Nasional Timorense atu bele fo kompensasaun ba vitima sira. 

“Ami eziji tenke ganti rugi ami nia sasan ne’ebe estraga ona, kompania Atramor ho Suai Indah tenki hamoos ami nia bairo ne’ebe agora dadaun nakonu ho taho, tenki hadia fila fali ami nia uma sira ne’ebe estragus no sasan sira seluk,” dehan Portavoz Komunidade husi aitarak laran. 

Nune’e, inundasaun ne’ebe akontese iha Aitarak laran, ninia kustu maka prezidenti Republika obrigatoriumente ba fali halo servisu Prezidensial iha Palacio Nobre Lahane no ninia funsionarius sira hamoos palacio Prezidenti Nicolao Lobato ne’ebe komunidade sira sarani palacio taho laran. 

“Ami hirus tebes governu ne’ebe fo nafatin fiar ba CNT ne’e laiha responsablidade moral ba nasaun ne’e ninian osankompania sira ne’e mesak kanten hodi raut osan hodi halo estadu ninia oin moe iha mundu,” dehan Romaldo D.S Costa komunidade ne’ebe hela besik liu Palaciu Prezidenti.

,