“Embaixada RI Sei Foti Medidas Hasoru Nia Ema Dupla Sidadaun”

.

Jornal Independente - Kinta-feira, 21 Fevereiru 2013 

Embaixada Indoensia ba Timor-Leste sei identifika nia ema ne’ebe mak hetan dupla sidadania, tanba lei Indonesia no Timor Leste la permiti. Sekretariu Funsaun Relasaun Publika no Kultura, Prima Januar Sastrawira hatete, sira sei hola medidas hasoru nia ema neebe mak uluk Timor oan no oras ne’e sai ona sidadaun Indonesia hetan fali dupla sidadania. 

Tanba, dehan nia dupla sidadania ne’e bele kria problema iha futuru. Nune’e, wainhira identifika nia ema hetan fali kartaun eleitoral no sertidaun RDTL nian, Embaixada Indonesia sei hapara tiha sira nuudar sidadaun Indonesia. 

Tuir lei sidadania Indonesia nian artigu 12/2006 la primiti sidadaun Indonesia sira sai sidadaun rua, lei ne’e premiti deit ba ema ne’ebe kaben campuran, nia oan sira ne’ebe mak tinan 17 mai kraik mak bele hetan dupla sidadania ida no tenki husik ida. 

“Kami rasa, kami sudah terima informasi seperti ini tentunya kami akan bertidak lanjuti, karena jangan sampai nanti WNI tersebut bias bermasalah di kemudian hari,” hateten Prima januar ba INDEPENDENTE, iha embaixada palapaso horsehik. 

Dupla sidadania ne’e mos sai preokupasaun boot ba deputadu sira iha Parlamentu Nasional no sosiedade sivil, tuir sira katak, se governu Timor Leste kuandu la halo medidas agora bele fo amesa ba paz no seguransa iha futuru mai. Entertantu, Sekretariu relasaun Publiku Embaixada Indonezia, 

Prima dehan, sidadaun Indonesia ne’ebe iha Timor Leste ne’e hanesan ema estranjeiru iha dever atu halo tuir lei ne’ebe mak vigora iha TL hakruk mos ba Indonesia nian. 

Nune’e, nia promete sei buka tuir nia ema sira ne’ebe mak dupla sidadania sira ne’e make ma eis Timor oan mak uluk ba Kupan, Indonesia no uz aona pasaporte Indonesia nian depois hetan tan kartaun Eleitoral TL nian sira sei fo hatene ba governador NTT atu bele buka tuir dadus sira ne’e. 

Nia husu ba komunidade sira iha TL, karik hetan informasaun ka identifika ema sidadaun Indonesia ruma mak iha dupla sidadania tenki hato’o ba Ministeriu kompotente TL nian no diretamente ba embaixada Indonesia nian iha TL, atu nune’e bele iha evidensia forte hodi bele foti medidas. 

Nune’e mos, tuir nia, to’o agora husi nia parte seidauk hatene kona ba nia sidadaun ne’ebe mak sai mos sidadaun TL nian. 

,