“TL-Australia Diskute Tasi Timor No Akordu CMATS”

,

Jornal Independente - Kinta-feira, 21 Fevereiru 2013 

Governu Timor Leste no Australia, ohin (21/2) sei deskute asuntu tasi Timor no akordu CMATS (Certain Maritime Arrangements in the Timor Sea) ne’ebe remata iha Sabadu (23/2). 

Antes halo diskusaun, Ministru Petroliu Rekursu Minarais (MPRM), Alfredo Pires breafing ba Prezidenti Republika, Taur Matan Ruak kona-ba vizita Ministru Rekursu Naturais no Turizmu-Australia, martin Ferguson mai Timor-Leste. 

“Hau mai informa ba Prezidenti Republika (PR) sobre Ministru Rekursu Naturais no Turizmu (Australia) nia vizita mai Timor Leste no Update sobre prosesu Greater Sunrise no projeitu tasi mane,” dehan nia, iha Palasiu Ai-tarak laran (20/2). 

Nia dehan, Vizita Ministru Australia Martin Ferguson mai TL sei hasoru malu ho Prezidenti Taur Matan Ruak ho Primeiru Ministru Xanana Gusmao no membru Governu balun hodi koalia kestaun tasi Timor. 

Tuir Ministru Alfredo, Pozisaun Timor Leste nian ba akordu CMATS sei tetu vantazen no dezvantazenkona-ba prosesu ne’e, MPRN dehan, iha artigu balun ne’ebe mak Timor Leste halo iha akordu CMATS katak, planu greater Sunrise seidauk rejolve to’o ohin loron, tanba ne’e, CMTAS ne’e rasik bele termina. 

 Tuir nia katak, prosesu Grater Sunrise laos nasaun Timor Leste ho Australia deit, maibe ho mos kompania Woodside ho nia aliadu sira ne’ebe maka ohin loron dada hela prosesu dezenvolvimentu kadoras. 

Estadu TL rasik deside ona nia opsaun ho fiar metin katak, kadoras Greater Sunrise tenke mai Timor Leste. 

Atu lori Timor Leste hetan vantazen lori kadoras Greater Sunrise mai TL, sosiedade sivil TL husu ona Governu atu envolve mos Mari Alkatiri ho Jose Teixeira no Primeiru Ministru Xanana Gusmao, hamutuk halo negosiasaun ba kadoras ne’e. 

.