“Bancada FRETILIN Laos Ona Opozisaun”

.

Jornal Nacional Diario - Kuarta-feira, 20 Fevereiru 2013

ONG Judisial System Monitoring Programe (JSMP) konsidera Bancada FRETILIN nudar opozisaun iha Parlamentu Nasional, la halo ona nia kna’ar opozisaun tanba kontribui halo aprovasaun ho votus unaminidade ba Orsamentu Jeral Estadu (OJE) 2013.

 “Bankada FRETILIN tenki iha moral atu esplika ba povu tansa mak sira vota a favor ba OJE 2013,” afirma Diretur Exekutivu JSMP, Luis Oliveira Sampaio ba Jornalista iha nia servisu fatin, Dili, Tersa (19/2).

Mesmu deputadu sira kria consensus nasional iha programa balun, maibe luis sampaio preokupa boot, tanba ida ne’e sinal ida hatudu katak, iha futuru opozisaun sei la tau ona sira nia an hanesan opozisaun hodi halo fiskalizasaun implementasaun ba OJE ne’e rasik. 

Preokupasaun boot liu maka, JSMP haree kona ba orsamentu ba projeitu auto estrada neebe opozisaun mos vita a Afavor hotu, tanba realidade hatudu estrada simples iha kapital Dili deit kada tinan sempre taka loke no laiha kualidade. 

Directur JSMP ne’e mos konsidera, aprovasaun orsamentu jeral estadus ho votus unanimidade iha Parlamentu nasional nudar buat foun ida, parte ida povu bele kontenti tanba reprejetante povu iha consensus ba orsamentu. 

JSMP espera katak, komprimisiu politiku ne’ebe Parlamentu nasional halo bele refleta realidade povu nian, maske iha faze debate orsamentu deputadu sira hotu konkorda, maibe implementasaun nuudar opozisaun sita tenki tau funsaun kritiku ba ejekusaun OJE ne’e rasik. 

.