Bancada Opozisaun Kestiaona: “MS Tenki Responsabiliza Inan 307 Halo Abortus”

.

Jornal Nacional Diario - Tersa-feira, 26 Fevereiru 2013 

Inan 307 ne’ebe mak halo tiha ona abortus iha tinan 2012 liu ba, reprezetante povu iha uma fukun Parlamentu Nasional (PN), husi bancada Opozisaun FRETILIN, husu ba Ministeriu saude (MS) atu toma respornsablidade ba kazu ida ne’e. 

Tuir deputada Josefa Pereira, husi bancada FRETILIN katak, inan hamutuk 307 ne’ene halo abortus no 246 ne’ebe koko atu halo abortus, tanba laiha kontrolamentu diak husi MS. “Hau feto, maibe kuandu hau nia feto maluk sira halo buat ida ne’ebe mak la los, ida ne’e hau mos la tolera, ita tenki tau ida ne’e iha kestaun, karik ida ne’e los duni tenki husu responsablidade Minsiteriu saude, nia hanoin ne’e oinsa los ba inan sira hanesan ne’e,” dehan Josefa Pereira ba Jornalista sira Segunda (25/2) iha PN. 

Nia esplika, iha tinan 2011 sira nia parte halo ona konferensia nasional kona ba saude reprodutiva no edukasaun seksual, no mos fo ona ba kada Ministeriu kompotente atu implementa edukasaun ida ne’e. Iha lei kodigu penal 141 hateten katak, kuandu ema ida halo abortus ho hakarak rasik, ida ne’e krime. Tanba ne’e, nia hatutan, husu ba MS atu haree distinu inan hamutuk 307 no 246, atu husu sira nia responsablidade ba labarik ne’ebe mak sira halo tiha ona abortus. 

Iha sorin seluk, deputadu Estanislau da Silva husi bancada FRETILIN mos hateten katak, kestaun ida ne’e kestaun sensivel iha preokupasaun sosiedade nian, tamba lei RDTL respeitu demais ne’ebe dala barak obriga ema hola desizaun hanesan ne’e. 

Nia hatutan, Governu tenki haree problema insestu ne’ebe ohin loron barak tebetebes iha rai ida ne’e, hanesan violensia domestika. “

Hau lakonkorda abortu hanesan metode de planeamentu familiar, maibe formasaun ita nia lei fraku make ma barak monu iha situasaun ida ne’e,” dehan Estanislau. 

Estanislau dehan tan katak, insestu iha Timor Leste sai hanesan problema boot ida, tanba aman mos bele viola nia oan feto no dala barak sempre fo sala deit ba feto. 

.