“Ponte Maloa PR Bolu Urjente CNT”

.

Jornal Nacional Diario - Sesta-feira, 22 Fevereiru 2013 

Prezidenti Republika Taur Matan Ruak, Kinta feira (21/2) bolu urjente Prezidenti Concorsio Nasional Timorense (CNT), Jorge Serrano, hodi husu esplikasaun konaba projeitu konstrusaun ba Ponte Maloa, tanba udan no anin ne’ebe akontese loron hirak liu ba ne’e hamosu inundasaun iha area palacio Prezidensial nia oin no mos populasaun sira nia uma iha Aitarak laran. 

Xefi Estadu husu ba CNT atu tau atensaun lalais no seriu ba konstrusaun ba Ponte Maloa, nune’e labele impede movimentu transporte. Entertantu, Ministro Obras Publiku Gastao de Sousa hateten katak, sei fo perioridade maximu atu rezolve problema Ponte Maloa. 

“Ami sei fo perioridade maximu atu rezolve ponte ne’e lalais, CNT mos ami nia enjineiru sira fo hatene ba sira katak, tenki rejolbe para labele akontese tan hanesan horibainhira akontese ne’e,” dehan gastao iha palacio Prezidensial Aitarak laran, Dili Kinta )21/2). Gastao Sousa hatutan katak, CNT ho obras publiku oras ne’e dadaun tau ona alternativu ida mak haluan tan estrada para labele akontese agrafamentu iha estrada Aitarak laran. 

Entertantu, Xefe Estadu Taur Matan Ruak, bolu orjenti Prezidenti CNT, tanba projeitu Ponte Maloa, Aitarak Laran ne’ebe konstroe husi kompania membru CNT, tanba projeitu Ponte maloa, Aitarak laran ne’e konstroe husi kompania membru CNT, Atra Mor no Suai Indah ne’e atraza demais. 

Hafoin hasoru malu ho Xefe Estadu Taur Matan Ruak, Prezidenti CNT Jorge Serano ba Jornalista sira hateten katak, Xefi Estadu bolu orjente relasiona ho situasaun inundasaun iha Dili laran, liu-liu iha projeitu Ponte maloa ne’ebe maka hala’o husi CNT. 

Jorge Serano hatutan, husi eslikasaun ne’e Xefe Estadu husu CNT para determina lalais projeitu Ponte Maloa nian, tanba ne’e Prezidenti CNT ne’e promete ona ba Prezidenti da Republika katak, CNT sei esforsu maka’as para to’o Abril Projeitu Ponte maloa bele remata no normal fila fali. Iha okaziaun ne’e, Prezidenti CNT Jorge Serrano lori membrus kompania CNT nia naran husu deskulpa ba Prezidenti Republika no Populasaun sira ne’ebe mak sente ameasadu. 

.