Vice PM La Sama: “Labele Ameasa Media”

.

Jornal Nacional Diario - Segunda-feira, 25 Fevereiru 2013 

Vice Primeiru Ministru (PM), Fernando La Sama de Araujo hateten, labele iha ema ida mak ameasa ka terror fali Media iha nasuan ne’e, buat ruma buka atu koalia ba malu. 

“Hau hanoin buat ida ameasa ne’e, iha rai ida ne’e la bele, kualia ba malu bele,” esplika Vice PM La Sama ba Jornalista sira wainhira hata’an perguntas kona ba iha informasaun iha ema balun komesa iha hanoin atu ameasa media, sabadu (23/2) hafoin partisipa koileta ikan iha Metinaru. 

Kona ba problema Media ho Ministra Financas, Vice PM La Sama dehan, iha segunda, ohin (25/2) sei konvida jornalista sira atu halo esplikasaun kona-ba saida mak Jornalista sira hakerek. 

“Husi parte Governu nian ami sei esplika kona ba saida mak imi hakerek los ne’e iha ne’ebe? La los ne’e iha ne’ebe?, hato’o ba mensazen atu imi buka informasaun lolos to iha ne’ebe hau sei koalia ho imi iha segunda feira,” dehan La Sama. Vice Primeiru Ministru ne’e mo hateten tan katak, buat ida ameasa labele akontese iha rai ida ne’e. 

“Hato’o ba mensazen atu imi buka informasaun lolos to’o iha ne’ebe hau sei koalia ho imi iha segunda feira, ne’e responsablidade, mash au hakarak hateten katak, buat ida ameasa, terror malu ne’e la diak, ne’e la bele iha,… bele iha sidadaun ida hanoin atu teror seluk, labele iha grupu ida atu terror grupu seluk, ne’e la aseita iha nasaun ida ne’e,” afirma Vice PM La Sama. 

Kontinua husu, karik ida ne’e akontese saida mak governu sei halo, La Sama dehan, situasaun ne’e nia la aseita. “Hau hanoin buat ida la aseita,” haklaken Vice PM La Sama. 

,