Jornal Independente - Segunda-feira, 18 Fevereiru 2013
Deputadu husi bancada FRETILIN iha uma fukun Parlamentu Nasional (PN)
husu ba Governu liu husi Ministeriu Negosiu Estranjeiru (MNE) no
Koperasaun no Sekretariu Estadu Politika Formasaun Profesional no
Empregu (SEPFOPE) atu haree Trabalador Timor-oan ne’ebe iha Inglatera
no Irlandia, tanba dadaun ne’e sira iha duplika nasionalidade.
Deputadu FRETILIN, Aurelio Pereira husu ba SEPFOPE no MNE atu buka
politika ida haree trabaladores sira ne’ebe mak iha inisiativa buka
servisu rasik iha rai liur hanesan Enlangtera no Irlandia oinsa mak
bele tau matan ba sira hanesan mos ho trabaladores sira ne’ebe mak iha
Coreia no Australia.
Tuir dadus husi Ministeriu negosiu Estranjeiru hateten katak,
trabaladores Timor Leste iha Englatera hamutuk rihun 15.000.
Nune’e, Ministru Negosiu Estranjeiru no Koperasaun, Jose Luis Guterres
afirma, kona ba duplika nasionalidade ba trabalador Timor oan ne’ebe
servisu iha ne’eba ladun fo inpaktu tanba TL iha relasaun diak ho
uniaun Europeia.
“Ita iha politika ona atu kria tan embaixada ida iha englatera, atu
nune’e bele asegura no kontrola trabalador sira iha ne’eba,” dehan
Jose Luis Guterres foin lalais ne’e.
.
Sem comentários:
Enviar um comentário
Nota: só um membro deste blogue pode publicar um comentário.