“Horta-Alkatiri Sai Lideransa Fundasaun Luzitania”

.

Jornal Timor Post - Kuarta-feira, 23 Janeiru 2013 

Atual Reprezetante Sekretariu jeral Espesial Nasoens Unidas Iha Guine-Bissau, Jose Ramos Horta no Eis Primeiru Ministru Dr. Mari Alkatiri hetan nomeasaun ba diresaun Fundasaun Luzitania nian kona-ba Dezenolvimentu Universitariu Emprezarial. 

Liu husi karta komunikadu ne’ebe mak asesu husi media sapo.tl katak konsellu sientifiku Fundasaun nian agora konta ho personalidade importante nain rua Timor-oan sira nian, Jose Ramos Horta hanesan oan-mane husi inan Timor oan no aman Portugues moris iha Dili tinan 1949. 

Ho deit tinan 25, Jose Ramos Horta husik Timor ba Nova Iorke ho intensaun hatudu violensia okupasaun indoenzia nian, sai nune’e, hanesan reprejetante FRETILIN nian iha nasoens Unidas iha tinan hirak tuir mai, iha fulan Dezembru 1996, Ramos Horta hetan Nobel Pas nian ho kompatriota D. Ximenes Belo, tanba servisu hamutuk iha luta ba Paz iha teritoriu Timor oan. 

Hafoin demisaun Alkatiri nia kargu, sai hanesan Primeiru Ministru Timor-Leste nian iha fulan jullu tinan 2006 no tinan rua oin mai, eleitu hanesan Prezidenti Republika Timor Leste nian, kargu ne’ebe okupa to’o fulan maiu tinan 2012. 

Mari Alkatiri moris iha Dili, tinan 1949, membru fundador FRETILIN nian, Alkatiri hahu luta ba Independensia iha tinan 1970, liu husi krisaun grupu klandestina nian, movumentu ba libertasaun Timor Leste nian. Iha tinan 2002, hafoin restaurasaun independensia nian, Mari Alkatiri hetan nomesaun ba Primeiru Ministru Republika Demokratika Timor Leste nian, kargu ne’ebe demiti iha tinan 2006, bainhira akontese krizi politika ida, iha tinan 2003, lider espiritual Sri Chinmoy fo premiu, “Lifting up the world with a One-ness-Heart”, hamutuk nune’e ho personalidade sira ne’ebe distingidu hanesan Nelson Mandela, Joao Paulo II, Madre Teresa, no Mohammad Ali. 

Fundasaun Luzitania ba dezenvolvimentu Universitariu no Emprezarial hanesan instituisaun ida solidaridade social nian ne’ebe laiha rohan lukrativu, nia misaun mak halibur ema ativu sira hanesan Universitariu no emprezarial sira ba ekonomiku ativu sira, hodi hetan solusaun integradu no sustentadu sira ba kombate hasoru pobreza no eskluzaun social. 

Fundsaun moris iha kongregasaun Santissimu Redentor nian – instituisaun ida ho tinan 275, ne’ebe konesidu tanba apoiu ba kiak no nesesitadu sira, iha membru liu nain 5.500 no reprezenta iha pais sira hamutuk 77, Fundasaun Luzitania hanesan responsavel ba Eskola amigus de Jesus, projeitu ida ne’ebe harii iha tinan 1992 ne’ebe durante okupasaun indoenzia hanorin lian portugues iha pais. 

Ho instalasaun sira rasik dezde tinan 2008, eskola ne’ebe konvete ba fundasaun dedika ba formasaun labarik no Joven sira nian. 

Agora dadaun buka fundu sira hodi harii sala sira foun aula nian, pavillaun deportivu ida no laboratoriu sira, hodi hatan ba ezijensia sira husi kurikulu ofisial foun, projetu seluk ne’ebe apoiu husi fundasaun maka “Institutu Edukasaun Jezuita nian” ne’ebe dedika ba ensinu tetum, Portugues no Ingles nian.

,