“Komandate Foun PNTL Tenki Background Di’ak”

.

Jornal Timor Post - Sesta-feira, 25 Janeiru 2013 

Parlamentu Nasional (PN) sujere ba Primeiru Ministru (PM) Xanana Gusmao atu foti komandante jeral PNTL haree tuir beckground ne’ebe diak hodi lidera Instituisaun PNTL rasik. 

Membru Parlamentu Nasional husi komisaun B, Deputadu David Diaz Ximenes (Mandati) hateten, komandante jeral PNTL ne’e mandatu politiku, ne’ebe iha mos regras ne’ebe defini to’o bainhira maibe governu liu husi PM Xanana rasik mak bele desidi. 

 “Ita tenke haree komandante Jeral PNTL ne’ebe mai, tenki iha autoridade moral no politika, atu mai ne’e membrus sir abele hakruk tuir desizaun,” Hateten Mandati ba Jornalista iha PN (24/1). 

Nia hatutan, komandante ne’ebe iha, tenki haree mos kestaun Timor no haree Background, tamba se komandante ma background la diak ne’e sai problema boot, tamba ne’e tenki haree didiak atu nune’e instituisaun PNTL bele lao diak iha futuru mai. 

“Agora ita hakarak foti ema ne’ebe mak uluk la hamutuk ho ita, ne’e ita atu estraga instituisaun, ita haree uluk F-FDTL iha problema maibe rejolve ho diak, tanba iha lideransa ne’ebe diak, agora ita tenki muda ita nia mentalidade no hatudu ita nia patriotismu,” dehan Mandati. 

Nia dehan, lei fo dalan nafatin ba PM atu bele nomea sivil hodi lidera PNTL, maibe iha mos limitasaun tuir lei ne’ebe iha, maibe haree ba kareira polisia nian laiha mak foin deisid. 

Nia dehan, desizaun ikus mai husi PM xanana Gusmao, tanba PM mak iha kompetensia atu bele halo nomeasaun ba Komandante jeral PNTL.

,