Prosesu Bolsu Estudu: “Presija Hare Backgraund Politika”

.

Jornal Nacional Diario - Segunda-Feira, 28 Janeiru 2013 

Prosesu rekrutamentu Bolsu estudus presiza haree ba ema nia beckgraund politika tamba dala ruma ema ne’e nia pasadu lakohi atu ukun an ikus mai bele goza liberdade ne’e hanesan mos luta nain nia oan sira. 

Diretor HAK Rogerio Viegas Vicente hateten, prosesu bolsu estudu ne’e presiza haree ba ema nia beckgraund politika pasadu nian, tanba iha ema ne’ebe uluk la kohi atu ukun an maibe depois de ukun an sira fila mai hetan nafatin oportundiade hanesan ho sira ne’ebe luta ba independensia. 

“Ami husu ba ME implementa politika bolsu estudus ne’e presija mos haree ema nia beckgraund politika, tanba sira ne’ebe uluk lakohi atu ukun an fila mai ita hotu rame-rame menikmati hodi hamosu tan kecemburuan social iha sosiedade nia le’et,” hateten Rogerio ba Jornalista sira, sesta (25/1) iha nia knar fatin, Farol, Dili. Rogerio hatutan, ME presija hasa’e mekanismu kontrolu ba politika bolsu estudu ne’e hodi nune’e labele fo vantazen ba, ema ne’ebe uluk la kohi ukun an hodi kontinua sira estudu. 

 “Hau husu ba ME presiza mekanismu kontrolu ne’ebe diak ba politika ne’e se la’e mosu nafatin preokupasaun husi publiku,” dehan Rogerio. 

“Hau husu ba ME presija mekanismu kontrolu ne’ebe diak ba politika ne’e se la’e mosu nafatin preokupasaun husi publiku,” dehan Rogerio. 

Iha oportunidade ne’e mos, nia husu ba eis otonomista nia oan sira atu hamutuk fo liman ba malu no hatudu sira nia dedikasaun atu oinsa fo kontribuisaun ba prosesu dezenvolvimentu rai TL. 

Maibe tuir nia, la signifika ba aktu violasaun Direitus Humanus iha pasadu atu halua tiha, ne’e lae, nia kontinua ezizi ba governu atu rposesa hahalok kontra direitus humanus ne’ebe hala’o husi Timor oan sira ne’ebe la kohi ukun an. 

.