Jornal Independente - Kuarta-Feira, 30 Janeiru 2013
Vice Primeiru Ministru, Fernando La Sama de Araujo husu ba Ministeriu
Saude atu servisu maka’as hodi kombate problema mal-nutrisaun ne’ebe
sei a’as iha Timor-Leste.
Realmente, La Sama dehan, tuir nia observasaun loroloron iha luron
labaraik barak mak sei krekas maran tanba sofre mal-nutrisaun.
“Hau husu ba Ministru Saude para oinsa halo planu ne’ebe mak diak para
hetan maneira oinsa rezolve problema mal-nutrisaun ne’ebe mak ita nia
oan sira enfrenta,” dehan La sama iha edifisiu MS, Kaikoli (29/1).
La Sama husu mos ba inan aman sira atu hatudu sira nia responsablidade
masimu hodi kuida sira nia oan nia saude.
Tanba, Vice Primeiru Ministru ne’e dehan, dala-barak labarik sira
tenke husu esmola iha dalan-dalan no balun tenke kaer servisu hanesan
fase kareta para hetan osan.
“Ida ne’e sai ona atividade social ida, problema ne’ebe mosu tanba
dala barak inan aman sira laiha kbiit atu haree,” katak nia.
Kompara ho tempo Indonesia ho tempu ukun an, La Sama dehan,
diferenti, tanba dadauk ne’e TL iha no hasai ona osan barak maibe
seidauk rezolve problema hirak ne’e.
,
Sem comentários:
Enviar um comentário
Nota: só um membro deste blogue pode publicar um comentário.