PR Taur Husu Luta Ba Moris Diak; “Komunidade Ezizi Infraestrutura No Linha TT”

Foto, Presidência da República de Timor-Leste - Facebook

Notisia Husi TVTL - Tersa-Kalan, 29 Janeiru 2013 

Komunidade hato’o Problema eskola laiha kadeira, meza no estrada kuak durante tinan barak, la hetan bee moos no fos MTCI, falta transporte ba PNTL, falta rede Timor Telekom (TT), difikulta komunidade area rurais wainhira mosu problema iha fronteira. 

Kestaun ne’e hato’o husi komunidade Sub Distritu Wesilo no Pasabe, wainhira hala’o sorumutu ho Prezidenti da Republika ho nia komitiva. 

Antes atu hala’o sorumutu, komunidade Sub Distritu Wesilo no Pasabe simu Prezidenti da Republika Taur Matan Ruak no membrus do governu ho lian dadoli husi lia nain sira. 

Komunidade sira husu ba Xefe do Estado atu fo perioridade ba kestaun social no seguransa inklui rede Timor Telekom ne’ebe sira infrenta difikuldades tamba wekusse sub Distritu hat ne’e besik fronteira ho Indonesia. 

“Ami husu ba senor Prezidenti atu tau matan no tau alkatraun ba estrada no mos hari’i lina Timor telekom iha area ne’e,” dehan populasaun. Hata’an ba kestaun ne’e, Prezidenti da Republika Taur Matan Ruak hateten, komitmentu Xefe do Estadu, parlamentu Nasional, Governu no Justica inklui entidades hotu tenki servisu maka’as hodi sai husi kiak no mukit no moris diak. 

“Ohin ita hamtuk atu manan tan dala ida, buka saida? Buka moris diak,” dehan PR Taur Matan Ruak. 

Hata’an kona ba transporte ba PNTL Distritu Wekusse, sekretariu estadu seguransa hateten, goernu sei rejolve atu fo fornese kareta ne’ebe mak UNMIT fob a Governu Timor Leste. 

.