Kompania Internasional Balun La Selu Impostu; “Alfredo Pires: Maske TL Rai Ki’ik Maibe Labele Hatudu Frakeza”

.

Jornal Timor Post - Tersa-Feira, 29 Janeiru 2013 

Problema ne’ebe Timor Leste hasoru ho Kompania Conoco Philips no Wodside, Ministru Petroliu e Rekursu Minerais (MPRM), Alfredo Pires hateten, sei kontinua eziji atu selu empostu ba estadu Timor Leste ne’ebe durante ne’e halo explorasaun mina iha tasi Timor. 

“Kompania Conoco Philips-Woodside ho kompani sira seluk ne’ebe hala’o hela explorasaun mina iha Tasi Timor husi Ministeriu Financas haree katak, kompania sira ne’e la selu impostu, entaun ami kontinua eziji sira atu selu impostu, se ita la konkorda malu mak sei lori ba Tribunal,” Alfredo dehan ba Jornalista sira iha Timor Plaza, foin lalais ne’e. 

Nia hatutan, prosesu ne’e iha Tribunal Dili no Singapura, depois sei haree lia ne’e tenki tesi ba oinsa, tanba ita hatene katak kompania balun mos dada an ona husi prosesu ida ne’e. 

“Tanba ne’e ita labele fo ita nia prakeiza ba sira, se ita hanoin lei ne’e mos iha ita nia sorin no tenki ba nafatin ho duro, se la’e ita rai kiik ema mos haree ita kikoan de’it, bele hanehan ita,” Alfredo dehan. 

Nia afirma, se mak hakarak halo negosiu iha Timor-Leste, bele mai maibe tenke kumpri lei. Tuir arkivu ne’ebe mak Timor Post iha katak, kompania Woodside ho Conoco Philips dada sira nia prosesu husi Tribunal distrital hodi ba rezolve iha (Tribunal Advitral) katak, estadu ho kompania sei negosiu kazu ne’e fora husi tribunal judicial. 

Aleinde ne’e, Escrivao de Dereitu Seksaun Civil Tribunal Distrital Dili, Sebastiao Marcos Soares hateten, kompania rua ne’e dada de’it prosesu rua, kompostu husi prosesu no 75 ho 76, mais prosesu 26 seluk sei kontinua iha sksaun sivil, prosesu ne’e la’os kompania Conoco ho woodside maka dada, mais nia parseiru kompania Tokyo maka dada, tanba sira mak kesar Estadu. 

Sebastiao esplika, razaun Kompania Tokyo dada prosesu rua ne’e husi Tribunal, hodi hakarak rezolve ho estadu TL for a husi judicial, tan ne’e tribunal mos permiti atu sira dada hikas prosesu rua husi prosesu 28 ne’ebe rejistu ona iha Tribunal Distritu Dili, parte seksaun Sivil. 

.