Deskonfia Enzini Kareta Prado PN: “Bancada FRETILIN Husu Investigasaun”

.

Notisia Husi TVTL - Kuarta-feira, 23 Janeiru 2013 

Deputadu Bancada FRETILIN iha uma fukun Parlamentu Nasional (PN) husu atu halo investigasaun ba prosesu sosa kareta Prado ba membru Parlamentu. 

Inacio Moreira afirma asuntu ne’e, tamba deskonfia kareta ho marka PRADO ne’ebe nia Enzeni Hilux. Kareta ho marka PRADO hamutuk 66 ho presu kada kareta U$ 63.000 (Rihun Neen nolu resin t0lu) ne’ebe Parlamentu Nasional sosa hodi distribui ba distintus Deputadus, iha Terca-feira (22/01) hetan lamentasaun husi deputadu Inacio Moreira, tamba tuir Inacio katak, kareta ne’e marka PRADO maibe nia Enzeni Hilux. 

“Hanesan ema hotu-hotu hatene katak, ami simu tiha ona kareta merek PRADO, mais ami deskonfia afinal da kontas ninia bodi maka PRADO ninian Enzeni nenee Hilux ninian, se karik orsamentu ne’e aloka atu sosa PRADO tenki sosa PRADO duni, mais agora ikus mai ninia Enzeni nenee Hilux, B4L ne’e maka ami hanesan haree, ida ne’e hau hanoin presiza tenki hateten, tamba saida maka ba sosa fali kareta sira foun ho ninia Enzine nenee Hilux, ida nenee ita bot sir abele konfirma, bele haree rasik ho matan Enzin ida ne’e Enzin Hilux ninian, se Prado loloos Mx Bx, LGX ninia Enzine nenee laos hanesan ne’e, osamentu ne’ebe aloka ne’e boot tebe-tebes maibe ba sosa fali kareta ida ne’ebe la tuir esfesifikasaun ne’ebe Parlamentu fo,” dehan Inacio Moreira. 

Kona ba kestaun ne’e, Jornalista koko konfirma ba Sekretariu Jeral Parlamentu Nasional Joao Rui Amaral ne’ebe responsabliza ba prosesu sosa kareta ne’e hateten, kestaun teknika so kompania mak bele fo eslikasaun maibe nia hatutan, PRADO ne’ebe iha ho produsaun foun no ikus nian iha tinan 2012. 

 “Ita dehan katak kareta ne’e PRADO, nia motor ne’e la hakerek dehan PRADO, maibe iha dokumentus nenee aliende ita nia tekniku sira halo espesaun ne’e katak, kareta mak ne’e duni, ne’ebe hau laiha rajoens atu hateten dehan katak, Fabrika nene’e keta inventa karik, falsifika karik, hau hateten ida ne’e, tamba hau lakohi adianta buat ne’ebe laiha provas, tamba ne’e diak liu konvida ajensia husi jepaun neeba para mai esplika no responde duvidas ne’ebe mak mosu,” dehan Rui. Relasiona ho asuntu ne’e, Inacio Moreira husu atu halo investigasaun. 

“Hau hanoin diak liu halo investigasaun para hatene loloos tamba saida mak nune’e, espesifika ne’ebe tama ne’e hanesan ne’e ka la’e? 

Se laos hanesan ne’e mak sira sosa fali kareta nune’e no bosok fali, ida ne’e mak la bele, sira tenki responsablidade,hau haree kuaze bloku tomak kuaze koalia ba malu no senti opendindu,” dehan Inacio. 

Kona ba prosesu investigasaun, Sekretariu jeral Joa Rui Amaral pronto atu halo investigasaun. “Investigasaun bah au ne’e, hau kulker momentu pronto, tamba kuandu halo tenderizasaun ba kareta ne’e aprovizionamentu mak sentraliza, depois asina kontratu ne’e ha la subar asina kontratu ne’e, hau mai hamutuk ho ita nia superior sira hotu, membrus da meja, reprejetante bancadas ninian, iha sala de kom pensa ne’eba hodi asina kontratu para sosa kareta ne’e, nebee se karik hakarak halo investigasaun mai hau, hau pronto kualke momentu,” dehan Rui. 

 Iha parte seluk, wainhira jornalista konfirma ba kompania Auto Timor, maibe kompania ne’e rasik seidauk pronto atu fo informasaun. 

.