Jornal Nacional Diario - Kinta-feira, 24 Janeiru 2013
Diretor Ezecutivu Fundasaun HAK, Rogerio Vicente Viegas afirma katak,
desizaun Tribunal ne’ebe mak hamonu sentensa ba kondenada Eis Ministra
Justisa Lucia Lobato hatudu exemplo ba membru governu no povu tomak
katak, ema hotu-hotu iha lei nia oin hanesan de’it.
“Lucia Lobato hatudu ona ba publiku hodi kumpri desizaun Tribunal, ida
ne’e hanesan esperensia diak ba futuru atu oinsa portifika ita nia
sistema Justica iha Timor Leste,” Rogerio informa ba jornalista sira
iha nia knaar fatin palasiu, kuarta (23/1).
Tuir Rogerio, bainhira kazu alegasaun korupsaun iha Timor Leste mak
prosesu tui nia dalan, ida ne’e hatudu ba publiku katak, korupsaun
ne’ebe akontese iha TL laos deit kondenada Lucia Lobato deit mak
involve.
Ba alegasaun korrupsaun, tuir fundasaun HAK nia hatene iha kazu
alegasaun hamutuk 10 resin mak durante ne’e Komisaun Anti Korupsaun
(KAK) haruka ba Ministeriu Publiku (MP).
“Kazu hirak ne’e iha balun mak Ministeriu Publiku halo ona akuzasaun
hodi hatama ona ba Tribunal,” dehan nia.
Husi kazu 10 resin tanba kestaun segredu Justica, Fundasaun HAK la
bele fo sai naran ida-idak, maibe HAK espera katak, bainhira prosesu
kazu hirak ne’e lao husu ba entidade estadu, autoridades governantes
inklui lideransa partidu politiku sira atu labele iha intervensaun
politika ba servisu orgaun tribunal halao duni sira nia knaar, ho sira
nia servisu ho profesionalizmu no mos independente no mos la halis ba
ema ruma ou grupu ruma.
.
Sem comentários:
Enviar um comentário
Nota: só um membro deste blogue pode publicar um comentário.