Jornal Independente - Kinta-feira, 24 Janeiru 2013
Primeiru Ministru Kay Rala Xanana Gusmao lamenta no hirus maka’as ba
projeitu emerjensia air mancur ne’ebe harii iha Palaciu Governu nia
oin laiha kualidade diak.
Xanana hato’o lamentasaun ne’e, hafoin iha kuarta (23/1) horseik
hala’o observasaun diretamente ba haree projeitu ne’e paradu no bee
nebee kompania sira hatama ba tenki la troka hodi kauza tanki laran
nakonu ho bee teen, no foer inklui bee la troka.
Hafoin observa, xanana bolu kedas tekniku no engeneiru Ajensia
Dezenvolvimentu Nasional (ADN) no kompania BTK Group ne’ebe kaer
projeitu ne’e atu hadia kedas hodi air mancur loro-loron tenki loke
para hafurak nafatin imazen palasiu.
“Sa projeitu emerjensia ida maka halo arbiru deit ne’e, agora ba bolu
kedas ADN no BTK, mai ho tekniku sira atu hadia lalais kedas,” dehan
xanana durante observa projeitu ne’e.
iha observasaun ne’e, PM Xanana mos lamenta besi pagar balun ne’ebe
sosa ho orsamentu karun soe arbiru de’it no PM bolu nia eskoltu sira
foti fali besi ne’e tau iha palasiu nia oin.
Hafoin ida nee mos, Xanana bolu mos sekretariu Estadu Eletrisidade
Januario Pereira hodi fo orientasaun dada kedas lina fiu eletrisidade
ketak, husi Sekretariu Estadu Juventude Desportu (SEJD) nia oin mai
Palasiu Governu hodi liga ba air mancur ne’e.
Husi projeitu ho orsamentu montante boot nebe kompania BTK kaer, PM
Xanana lamenta tanba loloos iha tanki laran tenki monta keramik ka
batu alam, maibe kompania tinta deit.
Tuir Diario ne’e nota katak, ekipa manajer BTK no tekniku AND oras
ne’e dadaun trasa ona planu hodi buka meus reabilita fali tenki air
mancur tuir PM nia orientasaun.
,
Sem comentários:
Enviar um comentário
Nota: só um membro deste blogue pode publicar um comentário.