Projeitu Ohin Hadia Aban A’at “Deputadu CNRT Rekonese Sistema Aprovizionamentu Sei Uza Padrinu no Madrina”

,

Jornal Timor Post - Kuarta-Feira, 30 Janeiru 2013 

Deputadu husi Bancada CNRT atual Prezidenti Komisaun E assuntu infraestrutura, Transporte, komunikasaun, Pedro dos Martires hateten sistema aprovizionamentu to’o agora seidauk la’o loos hodi ezerse sira nia funsaun independente no imparsialidade. 

Tanba realidade, nia dehan, dala barak aprovizionamentu sira fo projeitu emerjensia ba kompania sira ne’ebe sira fiar katak, bele halo servisu lalais, haree de’it ba lealidade kompania ne’ebe deskonfia padrinu no madrinu, no sira la tuir lolos regras ne’ebe ita iha, ninia impaktu maka agora projeitu barak abandona no laiha kualidade, tanba inkapasidade husi kontrola. 

“Sistema aprovizionamentu to’o agora seidauk la’o loos, katak, padrinu no madrinu sei kontinua iha, fiar malu deit mak fo projeitu maibe la haree ba kapasidade kompania ne’ebe implementa projeitu, entaun, ninia problema maka agora projetu barak abandonadu no balun laiha kualidade,” Pedro dehan ba Timor Post iha PN, Tersa (29/1). 

Tan ne’e, nia informa, iha V Governu, Komisaun E buka atu hakilar maka’as atu projeitu ne’ebe implementa tenki tuir Planu Estratejia Dezenvolvimentu Nasional (PEDN) atu nune’e, kompania sira bele hadia obra ne’ebe diak ba ita nia nasaun, se ita husik malu de’it, ohin hadia obra ida, aban bele at fali. 

.