Governu Organiza Limpeza Jeral; “Kamioneta La To’o Foer Kontinua Nakonu Dili”

.

Foto, TS - Facebook

Jornal Independente - Kuarta - Feira, 16 Janeiru 2013 

Kamioneta ne’ebe hetan kontratu husi Administrasaun Distritu Dili nian la to’o hodi difikulta foer kontinua nakonu iha Dili laran. 

Administrador Distritu Dili, Gaspar Soares hateten, kamioneta la to’o hodi responde ba foer sira iha Dili laran tanba kareta sira ne’e raut foer dala tolu (3) deit iha loron ida, tanba ne’e mak foer kontinua nakonu iha Dili laran. 

 “Kamioneta mak la to’o hodi sira raut foer, ne’e dala tolu kada loron, tanba ne’e mak foer kontinua nakonu iha kapital Dili,” hateten Gaspar ba Jornalista sira iha salaun MSS, (15/01). 

Nia hatutan, planu ba oin kareta sira ne’e sei raut foer dala ne’en para bele redus foer iha Dili laran, no kareta sira ne’e nia durasaun kontratu fulan ne’en liu, ida ne’e sei halo kontratu foun, dadauk ne’e iha deit kareta 50 mak halao operasaun rait foer iha kapital Dili. 

Administrador ne’e hatutan, limitadu kareta ne’e nia hato’o ona ba enkontru altu nivel, maibe atu aumenta kareta ne’e depende ba orsamentu, tamba dadauk ne’e kareta hirak ne’e hetan kontratu loron ida hetan orsamentu hamutuk U$65. 

.