“Tekniku ADN Maioria Estranjeirus”

.

Jornal Timor Post - Sesta - Feira, 18 Janeiru 2013 

Deputada Maria Angelica da C. Dos Reis informa katak, tekniku ne’ebe agora servisu iha agensia Dezenvolvientu Nasional (ADN) maioria husi ema estranjeirus, ida ne’e hatudu katak, la konsidera Timor oan ne’ebe agora iha remata ona sira nia astadu iha area tekniku. 

Tuir Maria, tekniku Timor ne’ebe ba hasai sira nia kursu rai liur agora fila barak ona mai Timor Leste, balun to’o agora laiha servisu, nusa mak ADN la rekruta ema hirak ne’e. 

 “Buat ki’ik boot, ita buka deit make ma estranjeirus, ne’e hatudu katak, ita la fo importansia ba malu Timor oan sira, tan ne’e ami husu ba diretor ADN tenki hadia jestaun ne’e,” dehan deputadu Maria Angelica da C. Dos Reis wainhira hala’o audensia ho MOP ba dala rua iha PN (17/01). 

Maria hatutan, konsekuensia husi tekniku ne’ebe agora servisu iha ADN, maioria ema estranjeiru, Projetu barak agora implemnta laiha kualidade, tanba sira la dun konese didiak situasaun real. Responde ba kestaun ne’e, Diretor AND Samuel Marcal hateten, klaru iha ADN tekniku husi estranjeiru, maibe Timor oan mos lubuk ida kuaze 45, ne’ebe balun agora servisu iha Distritu. 

Tuir Samuel, preokupasaun ne’ebe ohin hato’o husi maluk deputadu sira iha audensia tendesio politiku maka maka’as, maibe dehan Samuel atu lori nasaun ne’e ba oin, presiza kritika malu ne’ebe ho sentidu hadia failansu, para dezenvolve rai ne’e ba oin. 

“Tekniku Timor oan ne’ebe agora ADN kuaze 45, balun agora servisu iha Distritu, tan ne’e hau la dun intende ho kritika maluk husi Parlamentu ohin, maibe pronto atu dezenvolve nasaun ne’e ba oin, Presiza fo hanoin ba malu,” hateten Samuel. 

,