“Deputadu Opozisaun (FRETILIN) La Menta Desizaun Prezidenti PN”

.

Jornal Timor Post - Tersa-Feira, 19 Marsu 2013 

Intervensaun husi deputadu Inacio Moreira husi bancada FRETILIN iha uma fukun Parlamentu Nasional (PN) hateten, dezlokasaun Prezidenti Republika (PR) Taur Matan Ruak ba Roma-Italia ne’e laiha prblema, maibe, nia lamenta desizaun prezidenti PN ne’ebe dehan, depois PR fila mai maka PN fo rekonesementu. 

 “Hau Hanoin dezlokasaun Prezidenti nia ne’e laiha problema, maibe parlamentu tenki fo duni lisensa antes atu sai, liu-liu atu partisipa serimonia sacral ba mu papa ninian,” Inacio komenta. 

Tanba ne’e, reprejetante povu ne’e sujere ba meja PN bainhira Prezidenti atu viazen ba rai liur, hato’o karta ruma mai iha PN maske kalan ou loron boot, membru PN tenki halo desponibiliza para aprova rezolusaun ida, antes PR halo dezlokasaun. 

Ba kestaun ne’e, iha sorin seluk, Deputadu Joaquim dos santos husi bancada FRETILIN lakonkorda ho razoens imprezistus, tanba prezidenti halo ninia dezlokasaun ne’e Parlamentu moss ala no PR moss ala. 

“Prezidenti deklara ona iha dia 13 dehan atu halo dezlokasaun maibe Parlamentu seidauk hatene atu preve situasaun sira hanesan ne’e, nusa mak Parlamentu lakohi konvoka reuniaun iha loron sabadu no domingu,” nia lamenta. 

Tuir lolos protokolu PR tenki halo serviso koordenasaun ho Sekretariu Parlamentu Nasional antes, para situasaun sira ne’e labele akontese. 

“Publikasaun santu padre ninia iha dia 13, Prezidenti Ruak deklara ninia deslokasaun iha dia 14, iha dia 15 karta tama mai Parlamentu tur nonok de’it, nusa mak sekretariu Parlamentu ho protokolu prezidenti la servisu hamutuk para bele konvoka reuniaun Extraordinariu,” nia husu. 

Tuir deputadu ne’e katak, dezlokasaun Prezidneti ne’e grave tebes ba nasaun ida hanesan Timor Leste. 

Entertantu, Deputadu Aniceto Guterres hateten, tuir artigu 80 viazen PR ninian iha rua, viazen ofisial ho viazen privadu, viazen ofisial iha artigu um ho dois tenki iha previu ho sentimentu antes halo dezlokasaun, maibe PR halo dezlokasaun ne’e tanba PR rasik hatene katak iha fin de semana PN la bele hetan konesementu. 

“Tuir hau nia hatene katak, viazen ne’e ofisial tanba uluk mos akontese hanesan iha 2005, Papa Bento XVI ita nia prezidenti mos hetan konvite husi Santa-Se vatikanu prezidenti ba, la uza artigu konesementu estadu maibe uza artigu privadu, tan ne’e hau hanoin, ne’e laiha problema,” dehan Aniceto. 

 Nune’e, tuir publikasaun ajensia Notisia Franca (AFP), segunda (18/3) xefi estadu husi nasaun seluk to’o ona iha Roma hodi partisipa missa tomada de posse Papa Francisco, tuir estimasaun ema millaun ida mak sei asisti eventu ne’e.

.