Jornal Independente - Tersa-Feira, 19 Marsu 2013
Komunidade sira iha area Bebonuk iha sabadu, (16/3) hetan bebe ida
ne’ebe mate no dodok ona.
Deskonfia bebe ne’e nia inan rasik maka soe
hafoin partus.
Komandante Polisia Servisu Investigasaun Kriminal (SIK)
Superintendente Calistro Gonzaga hateten, nia parte halo ona
investigasaun ba kazu ne’e maibe seidauk identifika suspeitu ne’ebe
so’e nia oan.
“Ami seidauk hetan suspeitu ka inan ne’ebe so’e nia oan ne’e, maibe
prosesu investigasaun la’o hela,” hateten komandante calistro Gonzaga
ba Jornalista sira iha Comoro, (18/3).
Hatan kona ba seksu (jenis kelamin) bebe ne’e, Calistro dehan, nia
parte sediauk bele identifika bebe ne’e mane ka feto, tanba bebe nia
isin dodok ona.
Atu bele hatene klaru liu tan, komandante SIK ne’e dehan, presiza liu
husi prosesu autopsia.
“Mate-isin oras ne’e iha ospital hodi halo prosesu autopsia,” dehan nia.
,
Sem comentários:
Enviar um comentário
Nota: só um membro deste blogue pode publicar um comentário.