Okupa Rai Estadu; “Polisisa Distritu Dili Hala’o Ezekusaun Ba Thomas Rodrigues”

.

Notisia Husi TVTL - Kinta-Kalan, 14 Marsu 2013 

Polisia Distritu Dili hala’o asaun despezu ba Thomas Rodrigues ne’ebe okupa rai iha parte Timor Plaza nia oin. Polisia hala’o ezekusaun ne’ebe bazeia ba orden despeza Administrativa husi Ministeriu da Justica. 

Kuarta –feira ne’e Polisia Nasional Timor Leste (PNTL) Distritu Dili hala’o ezekusaun ba Thomas ne’ebe okupa rai ne’ebe pertense ba kompania Timor Plaza ne’ebe hala’o arendamentu ba estadu durante tinan 2010. 

Polisia hala’o ezekusaun ida ne’e ba dala 3 maibe Thomas Rodrigues la sai tamba konsidera rai ida ne’e estadu nian no sidadaun iha direitu atu okupa rai estadu, wainhira liu ona tinan 10. 

Tuir Thomas, nia okupa rai ne’e iha tinan 1999, kazu ne’e rasik to’o ona iha Tribunal. 

“Agora dadaun hau atu ba ne’ebe lahatene loos, kazu ne’e iha ona tribunal, konforme lei dehan tinan 5 deit iha direitu ligadu rai, agora hau iha ne’e tinan 15 ona, oinsa mak mai obiga hau sai,” dehan Thomas. 

Iha ezekusaun ne’e hala’o husi Polisia akompania husi ekipa ida husi dirasaun terras propriedades hodi tula ledas Thomas Rodrigues ba Sub Distritu Gariwai, Distritu Baucau. 

,