“FRETILIN Ejizi Implementa Planu Urbanizasaun Kapital”

,

Jornal Nacional Diario - Sesta-Feira, 15 Marsu 2013 

Governu actual ne’ebe lidera husi Primeiru Ministru, Kay Rala Xanana Gusmao, tenki implementa planu Urbanizasaun ba kapital Dili ne’ebe sei imazen ba nasaun Timor Leste. 

Deputadu Opozisaun Bancada FRETILIN, Francisco Miranda Branco Hateten katak, sidade Dili seidauk iha planu urbanizasaun ne’ebe diak, nune’e fo impaktu ba populasaun hela arbiru de’it. 

“Governu presiza tau perioridade ba planu implementasaun urbanizasaun atu nune’e ita hadia halo didiak ita nia sidade, ami ejize nafatin governu tau perioridade ne’ebe uluk ita estuda ona, maibe governu la konsidera, tan ne’e ami hanoin katak tempu ona atu implementa,” dehan Francisco iha Parlamentu Nasional, foin lalais ne’e. 

Nia hatutan katak, sidade mos tenki iha espasu ba fatin rekreasaun atu nune’e sidadadun sira ne’ebe moris iha sidade bele avontade goza moris ne’e. 

 Planu urbanizasaun capital, nia dehan, Governu tenki hahu agora, tanba iha tinan lima nia laran, laos tempu badak, iha fatin seluk, Domingos Alves hanesan komunidade preokupa maka’as ba Governu acital neebe to’o agora seidauk implementa planu urbanizasaun capital. 

.