“Bolseiru Ba Kediri Mosu Diskriminasaun”

-

Jornal Timor Post - Kuarta-Feira, 13 Marsu 2013 

Tuir Lista bolseiru admitidu nain 100 husi konkorentes na’in 800 ne’ebe anunsiadu iha Tersa (12/3) mosu deskonfia katak, bolseiru nein rua Ministru Saude nia subrinu, Xefi Departementu nia alin ida, diretor Rekursu umanu nia oan nain ida. 

Hafoin deputadu sira halo verifikasaun indika rekapitulasaun rezultadu ezame kandidatus estudantes medisina detaria ne’ebe Ministeriu saude atu haruka kontinua estudu iha Kediri tinan 2013 mosu diskriminasaun boot ba povu ki’ik sira nia oan ne’ebe iha intelektual ba area saude ninian la liu husi ezame. 

 “Maioria ita haree bolseiru sira ne’e mesak ema ne’ebe servisu iha saude nia oan deit mak liu teste ezame ne’e maibe la fo oportunidade ba povu ki’ik nia oan sira ne’ebe iha intelektual ba area saude ninian,” Deputada Alvina Marcal levanta assuntu ne’e iha parlamentu nasional, Tersa (12/3). 

Nia hatutan,” Inves fob a ema ne’ebe iha konesementu iha material exata ninia, maibe akontese duni balun foti iha social ninian ne’e la tuir ona criteria neebe iha,” dehan nia. 

Tan ne’e, membru Parlamentu Nasional rekomenda ba MS atu haree didiak ba povu kbi’it la’ek sira nia oan mos barak intelektual ba iha area exata ninian maibe la liu husi ezame tanba mosu hahalok familiarizmu. 

Entertantu, Ministeriu saude (MS) nia planu atu haruka estudante 100 ba Kediri (Indonezia) atu foti kona ba departementu tolu (3) hanesan Medisina Dentista (MD), Analista no Armasista. 

Hataan ba akuzasaun ne’e, Ministru Saude (MS) Sergio Lobo liu husi Telefone iha tersa (12/3) hateten, ezame teste ne’ebe hala’o laiha sistema familiarizmu atu hatama oan ka subrinhu sira, tanba tuir kriteriu ne’ebe fo perioridade ba estudante reprezenta husi kada distritu ema nain rua ka tolu mak tuir teste refere. 

“Ha’u la hatene tanba halo teste ne’e laos hau mak halo maka hatama hau nia familia, ne’e bah usu ema ne’ebe halo teste ezame ne’e,” Lobo esplika. Kona-ba criteria, nia informa, teste ne’e halo ba estudante sira ne’ebe iha konesementu area siensias naturais maibe laos husi siensias sosiais.

.