Dr. Mari Alkatiri “TL Sei Implementa Master Plan Hahu Husi Distritu Oecusse”

.

Notisia Husi TVTL - Kuarta-Kalan, 20 Marsu 2013 

Eis Primeiru Ministru Dr. Mari Alkatiri hateten, iha tempo badak Timor Leste sei implementa Master Plan ba projeitu pilotu iha Distritu Oecusse. 

Projeitu ne’e sei hala’o, wainhira hetan apoiu husi membru do Governu inklui Parlamentu Nasional. Deklarasaun ne’e fo sai hafoin Mari Alkatiri hala’o vizita iha Portugal no Malaisya durante semana rua. Tuir mai ita rona deklarasaun husi Eis Primeiru Ministru Dr. Mari Alkariri: 

“Iha semana rua nia laran iha portugal halo kontaktu barak, serviso ho profesionais barak, artitektu, injineirus, ekonomista, juristas oioin para bele halo master plan ida ba projeitu Pilotu ne’ebe ke atu hahu iha Oecusse, Oecusse sai projeitu pilotu ida, signifika katak, ita hahu iha Oecusse i depois maka ita haree atu lori fali esperensia ne’e ba Distritu seluk tan, i hau (Mari) seidauk bele koalia ba media master plan ne’e tomak porque sei lori oras ida, oras rua, maibe la’os tanba rajaun ida ne’e, tamba hau sei koalia ho senor Primeiru Ministru, membru Governu balun, presiza mos atu koalia naruk liu tan ho Prezidenti da Republika, biar hau hasoru malu ona ho Prezidenti da Republika iha Singapura, hau aprejenta ona ideas balun, nia hetan apoiu tomak husi Prezidenti da Republika senor Taur Matan Ruak, maibe hau mos presiza esplika sasan balun ba Primeiru Ministru ho membrus do Governu balun, hakarak mos bele hetan apoiu i hetan mos kumprensaun husi orgaun do estadu hanesan Parlamentu Nasional, hau bele dehan katak, se sasan hotu-hotu la’o aban bain rua sei sai hanesan ne’e, ne’e la’os mehi ninia, maibe ho serviso mak buat ne’e bele sai, lori tempo balun mas tenki iha serviso, liu-liu husi Wekusse oan sira maka tenki serviso para sasan sira ne’e bele la’o ho diak,” deklara Mari Alkatiri. 

.