Jornal Nacional Diario - Sesta-Feira, 15 Marsu 2013
Oras ne’e servisu Autonomo Medikamentu no Ekipamentu saude (SAMES)
preokupa boot, loron ba loron, aimoruk kontinua menus ba bei-beik.
Director SAMES, Odete Maria Freitas Belo hatete, dadaun ne’e aimoruk
item 120 la iha ona ho nia porsentu 65.
Aimoruk hirak ne’ebe laiha mak hanesan, aimoruk ba soe bee kiik ladiak
ho naran Cateter, Ampicilin, Amoxilin, Soru, Oksigen, Syrup,
Paracetamol, Multivitamina, Algodaun, Alkohol, Ibuprofen, no
selu-sleuk tan.
Ba JNDiario, kinta (14/3), Director Odete Maria Freitas Belo, esplika
katak, normalmente stok aimoruk ne’ebe sempre tau permanente iha
armazen SAMES nian provolta 300 item, maibe ikus-ikus ne’e menus ona
husi kadas aitem 120.
“Tuir lolos aimoruk sira ne’e la bele falta iha SAMES hodi bele fo
atendementu ba Hospital sira, maibe agora SAMES labele halo
distribuisaun tanba stok ai-moruk menus los ona,” esplika Odete Belo.
Nia fiar katak, ho orsamentu estadu nian ne’ebe aprova ona, mak iha
tempu badak bele aloka ona hodi sosa aimoruk atu tau iha armazen
SAMES.
Atu fasilita hatama aimoruk ba SAMES, kompanha 7 maka hatama ona
dokumentus hodi tuir konkursu, kompostu husi kompanha Sumber Inti,
ESCO, GMSS, Elfisk Boram, Surya Kasih, Istana farmacya, Foho Osan Mean
no Istana Farma.
.
Sem comentários:
Enviar um comentário
Nota: só um membro deste blogue pode publicar um comentário.