Jornal Timor Post - Sabadu, 16 Marsu 2013
Prezidenti Republika (PR), Taur Matan Ruak husu ba Polisia Nasional
Timor Leste (PNTL) atu labele uza violensia hasoru grupu CPD, tanba
violensia sei la fo solusaun ba problema ne’e.
Xefi Estadu afirma kestaun ne’e, hafoin rona keixa husi lideransa
maximu CPD foin lalais iha palasiu Prezidensial, Bairu-Pite, Dili,
katak, wainhira PNTL ezekuta mandatu governu nian blokeia kedas dalan
hodi impede movimentu membru CPD sira nian no afeta ba hamlaha no iha
indikasaun sei mosu violensia iha atuasaun polisia nian.
Relasiona ba kestaun ne’e, Vice Primeiru Ministru Fernando La sama de
Araujo ho membru governu balun haranka ona ba Fatuberlihu, sesta
(15/3).
Hodi halo dialogu ho grupu CPD, atu nune’e bele iha solusaun
diak ba desizaun Primeiru Ministru nian katak, haruka CPD ida-idak
fila ba ninia fatin no governu liu husi Ministeriu kompotente maka sei
ba sosa produsaun ne’ebe mak grupu CPD sira hala’o tiha ona.
“Prezidenti nia pozisaun mak ne’e, labele uza violensia,” hateten Taur
ba Jornalista sira, Sesta (15/3), hafoin partisipa serimonia
inagurasaun ba edifisiu Prokuradoria Jeral Republika Distrital Dili,
Iha Vila-Verde, Dili.
Entertantu, Deputadu husi Partidu Demokratiku (PD) Virgilio Hornai
hateten, Profesor balun durante ne’e, ne’ebe halo kna’ar iha area
rural balun hola parte fali iha atividade CPD, depois fulan foin ba
simu osan, tanba ne’e, Hornai Husu atu ME tenki toma atensaun ba
problema ne’e.
“Alente Estadu ne’e ita tenki serviso ba povu, laos atu halo fali
grupo, ida ne’e tenki haree didiak hodi identifika buka rekoila lolos,
se mak iha ne’eba, numeru hira no hola medidas ba sira,” afirma Hornai
ba Jornalista sira iha Uma Fuku PN, Sesta (15/3).
,
Sem comentários:
Enviar um comentário
Nota: só um membro deste blogue pode publicar um comentário.