Jornal Independente - Segunda-feira, 25 Marsu 2013
Primeiru Ministru Xanana Gusmao eziji atu nasaun hotu tenki hamutuk
hodi kontra terorismu, seguransa maritime, droga, trafiku umanu atu
paz no estabilidade metin iha mundu.
PM Xanana hateten, ida ne’e nuudar Ministru Defeza no seguransa
bainhira hato’o nia deskursu iha Dialogu Internasional Defesa nian iha
Jakarta Indonesia (JIDD) iha foin lalais.
Iha dialogu ne’e, PM Xanana dehan, Terorisme, Siguransa Maritima,
Droga, Trafiku Umanu mak ohin loron sai ameasa ba paz no estabilidade
iha mundu.
Tanba ne’e, PM Xanana Gusmao dehan, importante tebes mak nasaun hotu
halo kooperasaun hodi fahe informasaun ba malu, servisu hamutuk hodi
kombate hahalok a’at sira ne’ebe kauza ba estabilidade nasional no
internasional.
Servisu intelejensia iha nasaun hotu, PM Xanana dehan, tenkie efetivu
liu atu servisu hamutuk halo kordenasaun ho polisia no instituisaun
seguransa sira para hapara aktividade illegal sira ne’e.
Nasaun ne’ebe iha koperasaun, tenke hametin nafatin sira nia
koperasaun liu husi treinamentu, fahe informasaun no transfere
teknolojia iha tempu ne’ebe presija ho dalan ida ne’ebe mak bele
hametin paz no estabilidade nasional no internasional.
.
Sem comentários:
Enviar um comentário
Nota: só um membro deste blogue pode publicar um comentário.