Jornal Nacional Diario - Kuarta-Feira, 20 Marsu 2013
Ministeriu Saude (MS) husu ba Parlamentu Nasional (PN) atu hatudu
dadus konkretu kona-ba identidade ema ne’ebe mate iha Hospital
Nasional Guido Valadares (HNGV), tanba kazu mal pratiku husi doutor
espesialista sira ne’ebe halo operasaun.
“Kazu mate ema nain lima husi Distritu Liquisa ne’ebe halo operasaun
iha HNGV iha fulna Janeiru nia laran, tinan kotuk, ne’ebe mak levanta
husi deputadu Bancada CNRT Cesar Valenti Pilotu, tenki hatudu faktus
lolos, tanba Ministeriu saude presiza iha dadus konkretu kona-ba
identidade ema ne’ebe mate tanba operasaun, atu sai nudar baze ba
prosesu auditoria husi Ministeriu Saude,” afirma Vice Ministra Saude
ba asuntu etika no prestasaun professional saude, Natalia Araujo,
Tersa (19/3), liu husi karta resposta hodi responde preokupasaun
membru deputadu PN nian kona ba kazu mal pratika iha HNGV.
Nia hatutan, bazeia ba sistema serviso hospitalaria, kazu hotu ne’ebe
iha asistensia hospital sira ne’e konfidensial, maibe MS agradese
tebes, karik iha diskonfiansa ba mal pratika, MS husu ba PN atu fo
identidade kompletu pasiente, nune’e bele asegura kualidade asistensia
hodi salva ema nia vida.
.
Sem comentários:
Enviar um comentário
Nota: só um membro deste blogue pode publicar um comentário.