“Jornalista Sira Tau Hamutuk Centavos Selu Prokurador”

.

Jornal Nacional Diario - Segunda, 18 Marsu 2013 

Jornalista sira iha Timor Leste (TL) nebe hamaon an iha Timor Leste Pres Club (TLPC), Asosiasaun Jornalista Timor Leste (AJTL), ONG Timor Leste no TLMDC soe hamutuk osan sentavos 5 to’o 50 oan Timor Leste (0,05-0,50 sen-red) hodi selu indiminizasaun civil ba prokurador Jacinto babo Soares. 

Asaun solidaridade Jornalista ne’e, relasiona ho desizaun final kazu Jornalista Raimundo Oki ho Oscar Salsinha nebe Tribunal Distrital Dili hatun desizaun hodi selu indiminizasaun sivil U$450. 

Razaun TLPC ho AJTL, Tribunal Distrital Dili hatudu momos injustica bainhira hola desizaun ba kazu denuncia Calunioza, tanba kazu refere akuza ho kodiku penal maibe aplika desizaun ho kodiku civil. 

Porta Voz TLPC Eliterio Sousa afirma katak, desizaun final husi Tribunal Distrital Dili iha 14 de Marsu 2013 ne’ebe absolve krime denuncia Caluniosa ba Jornalista nain rua Raimundo Oki (INDEPENDENTE) ho Oscar salsinha (STL) hodi selu indiminizasaun kada arguido dolares U$150 nebe uza kodiku civil. 

Asaun protesta ne’ebe mak lansa husi TLPC ho AJTL ho intensaun hodi fo hanoin ba publiko katak, tempo ona atu asosiasaun jornalista Timor Leste Unido. Partisipasaun Jornalista tempo ne’ebe mai husi media impremu ne’ebe eziste iha Timor Leste, nune’e mos jornalista Radio, inklui televizaun.

.