Jornal Timor Post - Tersa-Feira, 19 Marsu 2013
Konstituisaun RDTL artigu 95 versiklu 3 parte H hateten, Parlamentu
Nasional (PN) maka fo autorizasaun ba Prezidenti Republika (PR) atu
vizita nasaun seluk, maibe, realidade ne’ebe akontese Vizita PR Taur
Matan Ruak ba Roma (Italia), Sabadu (16/3) seidauk hetan autorizasaun
husi reprezentante posu sira iha PN.
Prezidenti PN, Vicente Guterres hateten tuir loloos orgaun Parlamentu
Nasional (PN) iha rekonesementu antes PR Taur atu hala’o viazen ba rai
liur.
Nia dehan, karta rekonesementu ne’ebe Xefi Kaza Sivil PR ninian hato’o
ba PN iha sesta (15/3) lorokraik hodi hateten, loron sabadu (16/3) PR
dezloka kedas ba Roma (Italia) tanba hetan konvite husi Santa Se
Vatikanu atu partisipa serimonia tomada de posse ba Amu papa foun.
Ho dezlokasaun urjenti, finde semana membru PN III Lejislatura la
konsege halo debate antes halo viazen.
“Ita tenki konsidera situasaun ne’e tanba, ita ninia prezidenti ba
kedas iha sabadu fin de semana liu ba, ita la konsege iha oportunidade
atu fo kedas sentimentu iha tempu ne’e,” Prezidenti PN Vicente
Guterres dehan iha meza Plenaria PN, segunda (18/3).
Maske PN laiha rekonesementu, Sesta (15/3) foin lalais ne’e, PR hato’o
karta rekonesementu ba Prezidneti PN la konsege deskute PR ninia
dezlokasaun ba Roma tanba tama loron fin de semana.
.
Sem comentários:
Enviar um comentário
Nota: só um membro deste blogue pode publicar um comentário.