“PR Taur Husu Deskulpa Ba PN”

.

Jornal Independente - Segunda-feira, 25 Marsu 2013 

Prezidenti Republika (PR) Taur Matan Ruak husu deskulpa ba membru Parlamentu Nasional (PN) tanba nia vizita ba Vatikanu laiha planu ofisial. Prezidenti Taur hetan autorizasaun husi Vise Primeiru Ministru Fernando La Sama de Araujo, karik previleizu ba Timor, hodi marka mos prejensa iha hodi partisipa iha serimonia inagurasaun Amu papa foun Fransiskus nian. 

Xefe Estadu ne’e agradese ba membru PN sira tanba levanta kestaun ne’e. 

“Hau rona Parlamentu Nasional koalia oituan kona ba Prezidenti Republika nia vizita, Primeiru lugar hau agradese tanba senhores parlamentares sira levanta kestaun ne’e, ne’e diak, signifika isra preokupa, mas Presidenti Republika mos husu sira nia komprensaun,” hateten PR Taur iha Aeroportu Internasional Nicolau Lobatu (22/3). 

Nia rekonese, inisiu nia laiha planu atu ba vizita vatikanu, maibe tanba hetan autorizasaun husi Vise PM, katak karik previleizu ba Timor, hodi marka mos prezensa iha serimonia nivel altu ne’e. 

Tanba ne’e, Xefe estadu mos espera katak, iha futuru mai vizita hotu-hotu kona ba PR nia sei planeadu. 

 “Mas hau hein katak, aban bain rua vizita hotu-hotu ne’ebe que iha planeadu, bele iha tempu liu tan no iha tempu para deputadu hotu-hotu espera nia hanoin konaba prezidenti nia vizita. 

,