“PM Xanana Ameasa Evakua CPD-RDTL”

.

Jornal Independente - Sesta - Feira, 18 Janeiru 2013

Primeiru Ministru Kay Rala xanana Gusmao aviza ba CPD-RDTL ne’ebe aloka kooperativa iha Welaluhu, Distritu Same atu sai husi fatin ne’eba, tanba se la’e nia mak sei tun diretamente hodi halo atuasaun.

 “Hau hein katak husi Welaluhu sir abele fila ona tanba depois deskute orsamentu hotu, hau promete hau ba ho kareta tula sira ba sira nia uma (idaidak),” dehan PM xanana, Kinta (17/01).

PM Xanana dehan, se de’it mak hakarak halo kooperativas tenki halo ha Distritu, apela mos ba administrador distritu no sub Distritu atu tau matan ba CPD.

Eis Prezidenti ne’e mos ameasa katak, karik CPD kontinua iha Welaluhu nia nudar Ministru Defeza sei autoriza PNTL no FDTL halo atuasaun.

PM Xanana dehan tan, iha Timor Leste laiha organizasaun ka grupu ida ne’ebe mak boot liu fali konstituisaun RDTL.

PM Xanana dehan, CPD-RDTL la’os orgaun de restaurasaun estadu RDTL. “Se CPD-RDTL sira mak deskute nafatin katak, sira mak orgaun restaurasaun soberania estadu ida ne’e nian, demokrasia la premiti katak ita ameasa fali konstituisaun RDTL nian,” dehan PM Xanana.

PM Xanana dehan tan katak, nia hatene iha fatin barak CPD buka mobiliza maibe nia sei haruka Polisia hapara.

.