“Ohin, PM Xanana Lansa Telin”

.

Jornal Timor Post - Kinta - Feira, 17 Janeiru 2013 

Tuir planu, kinat (17/01) ohin, Primeiru Ministru Kay Rala Xanana Gusmao sei lansa Telekom Internasional Indoensia (Telin) hodi hahu operasaun ba kliente sira iha Timor-Leste, nune’e reforsa diak liu tan lina Telekomunikasaun. 

Ho Prejensa Telin iha Timor Leste, Kintu Governu liu husi Ministeriu Telekomunikasaun no Transporte (MTT) espera, ho barani ne’ebe mak kompania Telin agora dadaun investe bele responde nesesidade estadu iha kondisaun servisu no presu iha Merkadu. 

Nune’e, Ministru telekomunikasaun no Transporte (MTT), Pedro lay hateten, intensaun governu nian ba liberalizasaun mak ohin loron investimentu ne’ebe mak hala’o husi kompania Telin ho Viettel. 

“Ita hakarak kompania foun TELIN ho Vietel hala’o kobertura ne’ebe mak diak liu no responde nesesidade estadu no povu tomak nian no presu mos bele sai kompetetivu liu tan,” dehan Pedro Lay iha Palasiu Governu hafoin partisipa enkontru Konsellu Ministru. Lansamentu TELIN ohin, ofisial de’it ba Sim Card ho folin U$2.50, tanba ne’e atu hala’o komersial, sei hala’o iha Fevereiru sei fa’an TELIN sira nia Sim Card. 

Ministru ne’e mos dehan, tuir planu fevereiru to’o Marsu kompania tenki buka ona nia kliente kuaze 90% asesu ba telekomsel hanesan mos 3G, maibe criteria ne’e sei to’o ba iha tinan tolu nia laran atu kompleta servisu tomak infra-estruta no kliente hamutuk 90%. 

Pedro esplika, iha lei nia laran ko’alia mos sharing service, tanba ne’e kompania TELIN, TT no VIETEL servisu hamutuk hodi uza infraestrutura torre ne’ebe maka iha ona no instala dadaun. “Sira bele servisu hamutuk hanesan uza hamutuk torre pruzemplu Timor telecom bele uza hamutuk, tanba ne’e bele koalia ho Timor telekom para sira ho no fatin ne’ebe TELIN ho Vietel iha TT sira tenki kopera para uza hamutuk torre,” Ministru dehan. 

Antes ne’e, Diretor Jeral TELIN Syarif Syarial Ahmad iha Nusa Dua, Bali liu husi situs ne’ebe mak Timor Post asesu segunda (14/01/2013) katak, lansamentu operasaun TELIN nian para halo atendementu telekomunikasaun ho frekuensia entre 900 mhz, 1.800 mhaz no 2,1 ghz ho numeru digit ualu (8) no sistema cek saldo *#123# nomos fasilidade atendementu ne’ebe oferese GSM no 3G, nia mos informa, Telin sei investe iha tinan lima la menus husi U$50. 

.