ChonocoPhilips Lori Governu TL Ba Tribunal: “PM Xanana: Timor Leste Presiza Unidade”

.

Jornal Nacional Diario - Kuarta-feira, 22 Maiu 2013 

Primeiru Ministru (PM) Kay Rala Xanana Gusmao husu ba komponentes hotu atu unidade atu defende interese nasaun nian, tanba ohin loron Kompania Internasional Chonoco Philips lori ona Governu TL ba Tribunal ho kazu 35. 

Ho ida ne’e Primeiru Ministru hateten, komponente hotu tenke unidade atu labele fo fatin ba ema liur tama ho sira nia interese. 

“Ohin loron ConocoPhilips hatama hela Governu ba Tribunal ho Kazu 35, tanba ita dehan o la selu, tanba dehan o na’ok, ita la hamutuk sira book karik, sira tun sa’e husi sosiedade sivil, tama iha ne’e tama iha ne’eba, maibe ita kuandu hamutuk ita la iha osan ne’e ami nia fo fila fali mai,” Hateten PM Xanana Gusmao, iha Sosializasaun Camara Municipio iha Stadiun Distritu Baucau Domingu (19/5). 

Xanana mos husu ba entidades hotu atu kalma no buka rezolve rasik problemas ki’ik ne’ebe infrenta, la presiza intervensaun husi governu, para fo oportunidade ba estadu hodi defende interese nasaun nian. 

“Tanba ida ne’e ita hotu ho kalma hanoin ba ita nia rain ida ne’e, husik estadu koalia ho sira ba imi hare lai ita mak nune’e nafatin UNMIT sei mai, ISF sei mai ita nein halo buat ida, ita nian mak ita ba haka’as an sa’e, ita mak atu duni fali sira mos susar atu mate, nu-fin ita duni tiha, agora tur hakmatek hotu para ami sira iha leten ne’eba ne’e imi fo fiar ami, defende netik interese nasaun ninian,” Xanana argumenta. 

Tuir Xanana, se problema ki’ik to’o bot estadu hotu mak rezolve mak susar be estadu atu hanoin ba interese nasaun. 

 “Ita mak mai hateke tun hateke sa’e, nusa? Nusa? Ho Veteran ho la hare hau ne’e Nusa? 

O idozu mak o seidauk selu ne’e ba tan ne’eba ami nune’e la diak, depois ita la dun forte,” Xanana koalia. 

.