PR Preokupa Seitor Justica: “Taur Matan Ruak Husu Desponiblidade Ana Pessoa”

.

Notisia Husi TVTL - Tersa-Kalan, 21 Maiu 2013 

Prezidenti da Republika (PR) Taur Matan Ruak prekupa ho justica iha rai laran. 

Tamba ne’e, Prezidenti da Republika husu atu eis Prokuradora Jeral atu kontinua tau matan nafatin ba seitor Justica. 

Eis Prokuradora Jeral da Republika hafoin enkontru hateten, ikus-ikus ne’e Prezidenti da Republika sente preokupadu ho situasaun iha rai laran, liu-liu seitor Justica, tamba ne’e Prezidenti da Republika konvoka enkontru hodi husu desponiblidade husi eis Prokuradora hodi apoia iha seitor Justica. 

“Nia (PR Taur) preokupa ho situasuan ita nia rain, ita hanesan fahe idea ba malu kona ba oin nusa maka ita bele tulun seitores balun atu lao ba oin, se bele karik lalais oituan, lalika lalais demais tamba orsida ita monu hotu ka lae?

Maibe hau mos bele ajuda nafatin iha area balun, prezidente preokupa injeral mais koalia ho hau atu bele hau hanoin mos tau hanoin hamutuk ho kolega sira seluk kona ba oin nusa mak it abele hadia seitor justica nian,” dehan Ana Pessoa. 

Hata’an ba preokupasaun ne’e, Ana Pessoa hateten, nu’udar sidadaun Timor oan nia pronto atu fo apiu nafatin hodi dudu seitor Justica lao ba oin. 

“Sim hau laos ona prokuradora mais hanesan ira bot sira mos, hau sidadaun Timor Leste nian i wainhira ita bele ajuda, ita bele fo hanoin, hau dehan ba prezidenti katak, konserteja hau laiha impedementu atu tau hanoin hamutuk ho Timor oan sira seluk atu deskute oinsa mak ita bele hadia para ita bele lori ita nia nasaun ba oin, buat balun ita halo ona maibe barak mak seidauk tamba ne’e tenki haree ba kotuk hodi hateke ba futuru atu it abele avansa” dehan Ana Pessoa. 

Ana Pessoa hatutan, atu rai ne’e sai diak Timoroan hotu tenki fo liman ba malu hodi servisu hamutuk hodi dezenvlove rai ne’e. 

.