Jornal Nacional Diario - Segunda-feira, 27 Maiu 2013
Partidu FRETILIN Preokupa ba sosializasaun Municipiu ne’ebe Primeiru
Ministru (PM) hala’o haleu Teritoriu Timor laran tomak ne’e gasta osan
deit, tamba sosializasaun ne’e la fokus.
“Realizasaun ne’e sei relativu, ho maneira ida hanesan dadauk ita
sosializa ne’e relativu, ne’e ita halo aktividade so para gasta osan
deit, tanba la terfokus, ema sai husi fatin ida ba fatin ida atu rona
materia ba substansia municipiu, ba rona fali buat seluk hanesan fali
ema halo drama, plaku muzikal ida iha ne’eba,” deklara deputadu
bancada FRETILIN, Joaquim dos Santos, ba JNDiario ne’e iha Parlamentu
nasional.
Tuir Joaquim dos Santos katak, sosializasaun tenki fokus koalia kona
ba poder lokal no desentralizasaun no mos kona ba substansia harii
munisipiu ninian ojetividade.
“Se Primeiru Ministru ba sosializa proposta de lei kona ba harii de
centralizasaun poder lokal, ba kolaia lolos deit poder lokal ho
desentralizasaun, bele mos koalia substansia no ambitu atu harii
municipiu ne’e ho ninia objetividade ne’e bele, mas buat ne’ebe mak
hau haree ne’e, lei ida be atu harii municipiu ne’e nunka temi kona,”
haklaken deputadu Joaquim.
.
Sem comentários:
Enviar um comentário
Nota: só um membro deste blogue pode publicar um comentário.