Jornal Independente - Tersa-Feira, 21 Maiu 2013
Primeiru Ministru (PM) Kay Rala Xanana Gusmao ne’ebe nu’udar mos
hanesan Manatuto-oan selebra loron restaurasaun Independensia ba dala
11 hamutuk ho komunidade sira iha Distritu ne’e.
Tuir reportajen husi Jornalista Jornal INDEPENDENTE, Evaristo Soares
Martins, ne’ene akompania PM xanana katak, komunidade sira antusiazmu
no kontente ho prezensa PM xanana iha sira nia leet.
Prezensa PM xanana ne’e hanesan kontinuasaun husi programa konsulta
publiku ba Kamara Munisipiu, antes ba Manatutu PM xanana hahu uluk
konsulta iha Distritu Baucau, Viqueque no Lautem.
Serimonia hasa’e Bandeira RDTL ne’ebe realiza iha Administrasaun
Distritu manatuto hetan partisipasaun komunidade kuaze 3.000.
Hafoin serimonia hasa’e bandeira, PM Xanana ho komunidade Sub Distritu
Vila, Soibada, Laleia, Laklubar, Natarbora, no Laklo bidu no dansa
haleu administrasaun Distritu Manatuto.
Sekretariu Estadu Desentralizasaun Administrasaun, Thomas Cabral
hateten, iha komemorasaun ne’e povu komesa hatudu nia nasionalizmu.
“Partisipasaun povu premeira vez barak liu iha Distritu manatutu, ida
ne’e signifika katak, povu komesa laran nakloke ona hodi hatudu sira
nia nasionalismu,” dehan nia.
Antes ne’e, iha Distritu Viqueque, komunidade ida, Felis de Jesus
espera governantes sir abele halo reflesaun iha 20 de maiu hodi nune’e
bele liberta povu husi kiak nia laran.
Nune’e mos, Komunidade Lautem, Mateus Lucas husu governu atu halo
mudansa ba dezenvolvimentu iha rai laran.
“Ami hare dezenvolvimentu iha ami nia suku no sub Distritu la la’o,” katak nia.
Komunidade Baukau, Leonito Xavier Gusmao espera selebrasaun 20 Maiu
bele lori prosesu foun ba dezenvolvimentu liu-liu infra-estrutura
baziku iha rai laran.
.
Sem comentários:
Enviar um comentário
Nota: só um membro deste blogue pode publicar um comentário.