“Eis Deputada Maria Exposto Viola Lei”

.

Jornal Nacional Diario - Sesta-Feira, 31 Maiu 2013 

Advogadu Manuel Tilman konsidera desizaun Tribunal Distritu Dili (TDD) la iha forsa inklui mos Ministeriu Publiku (MP), no polisia la kumpri ordem Konstitusional, hodi loke dalan ba eis Deputada Maria Expostu ne’ebe viola desizaun tribunal nian. 

Desizaun TDD i kumprimenta ubrigatoriu i privalese sobre desizaun hotu kualker autoridade, nune’e rai ida iha Kolmera iha Ministeriu Publiku (MP) nia oin TDD hasai desizaun hodi fo prediu dala rua ba rain ain Manuel Babo no Polisia dada fita (Police line) atu okupantes illegal la bele kontinua halo konstrusaun. 

Maibe, eis deputada Maria Expostu hamutuk ho emprezariu internasional tesi tiha ‘Police line’ hodi kontinua halo konstrusaun to’o agora obra ne’e sa’e ona ba andar ida. 

Tan ne’e, rai nain husu ba Tribunal hasai sertidaun dezobedensia, ne’ebe ikus mai Tribunal hasai duni hodi haruka ba MP, maibe to’o agora MP la halo buat ida. 

“Prediu ilegalmente ne’e harii andar ida ona iha Procuradoria Geral Republika ho TDD nia oin ho dezobedesia klara, kualifikada flagrante delitu tuir artigu 218 kodigu prosesu penal,” informa Manuel Tilman ba Jornalista sira, 29/5). 

Nudar advogadu ne’ebe fo asistensia ba rain ain, Manuel Tilman husu ba MP ho polisia atu detein eis Deputada Maria exposto ho emprejariu internasional Wei Yu, tanba sira la kumpri desizaun Tribunal iha fraglante delito ho krime punivel no pena prizaun. 

 Nia haktuir, eskandalu boot ne’ebe eis deputada Maria Exposto ho emprezariu estranjeiru ne’e halo okupa illegal kontra desizaun TDD no akordaun Tribunal rekursu.

.