“Restu Mortais Ran-Kadalak Sei Teste Iha Indonesia”

.

Jornal Timor Post - Sesta-feira, 24 Maiu 2013 

Restu Mortais Saudozu, Ran-Kadalak tuir planu sei lori ba halo teste DNA iha laboratorium husi Universidade Koinesidu ida iha Indonezia. 

Komandante Polisia servisu investigasaun kriminal (SIK), Calistro Gonzaga, konfesa, prosesu atu lori restumortais Ran kadalak ba Indonesia ne’e aprovadu ona enkuantu buat ruma la atraves iha fulan oin bele lori ona ba iha Universidade konesidu ida iha Indonesia hodi halo teste DNA. 

 “Ami hein deit atu lori restu mortais ne’e ba Indonesia par abele halo elaborasaun ba testu nian,” informa kalistro ba Jornalista sira iha Kuartel Polisia Nasional Timor Leste, Caicoli, Dili, Kinta (24/5). Atu labele hamosu failansu, Calistro hateten, Governu tenke halo kordenasaun diak ho parte Universidade par abele fasilita diak liu tan prosesu testu ne’e. 

Durante ne’e mate ruin 300 resin mak seidauk hala’o testu hodi halo identifikasaun, tanba ne’e presija tempu barak. 

“Ita atu hatene ruin ne’e husi familia katak, matebian ne’e nia uluk sei moris ne’e, nia uluk ne’e halo nusa, nia oin ne’e halo nusa, nia ruin ne’e boot ka kiik, nia iha kanek ruma iha isin ka lae,” hateten Calistro. 

 ,