Jornal Nacional Diario - Sesta-feira, 24 Maiu 2013
Prezidenti da Republika (PR), Taur Matan Ruak, enkoraja maka’as ba
Komisaun Anti Korusaun (KAK) atu halao nia servisu hodi kombate
Korupsaun Kolusaun Nepotizmu (KKN) iha nasaun ida ne’e.
Komisariu KAK, Aderito de Jesus , hafoin hasoru malu ho Xefe Estado
Taur Matan Ruak, ba jornalista sira informa katak, antes ne’e KAK
hasoru malu ona ho Prokurador Jeral da Republika (PJR) Jose Ximenes
Belo hodi koalia mos kona ba servisu KAK nian.
Tamba ne’e, nia hateten hafoin informa servisu KAK nian ba Xefi
Estadu, Komisariu KAK ne’e haktuir katak, Xefi Estadu kontinua apoiu
servisu KAK nian hodi hala’o nia kna’ar ho efektivu.
“Hau hanoin suporta nafatin, Prezidenti akompania prosesu
estabelesementu KAK nian iha inisiu mos haree KAK nia serviso la’o,
durante ne’e hau hanoin suporta maka’as husi PR hanesan hau hasoru
malu ho PJR hodi koalia kona ba serviso KAK nian no hau hanoin
Prezidenti refleta suporta lubuk ida ba KAK atu hala’o nafatin nia
serviso ho diak,” haktuir Prezidenti KAK, Komisariu Aderito de Jesus,
iha Palasio Prezidensial Aitarak Laran, Dili, Kinta (23/5).
Durante enkontru ho xefe Estado la koalia kona ba prosesu
investigasaun ruma, maibe koalia liu kona ba Servisu KAK nian en jeral
no troka ideas ho prezidenti da Republika oinsa mak bele lori KAK ne’e
hala’o nia servisu ho diak liu tan.
Aliende koalia kona ba servisu KAK nian, konvida mos xefe estadu atu
partisipa ho iventu internasional kona ba Anti Korupsaun nian ne’ebe
sei halao iha Timor Leste no KAK mak sai uma nain.
Eventu ne’e sei hala’o iha dia 23 fulan Junu, no sei partisipa husi
nasaun 30, tanba ne’e mak konvida xefe Etadu hato’o nia diskursu ruma
iha eventu internasional ne’e.
Editor Foto: Paizinho Tilman
- Fotógrafo: Abick Carceres
,
Sem comentários:
Enviar um comentário
Nota: só um membro deste blogue pode publicar um comentário.