Sosializasaun Programa Master Plan “Mari Alkatiri: Lakon Ohin Para Manan Barak Liu Ba Aban”

.

Foto de, Arsénio Bano

Notisia Husi TVTL - Sesta-Kalan, 24 Maiu 2013 

Eis Primeiru Ministru Dr. Mari Alkatiri ho nia ekipa hahu hala’o sosializasaun Master Plan ba komunidade Distritu Oecusse, programa sosializasaun ne’e lidera husi Eis Primeiru Ministru Dr. Mari Alkatiri. 

Hahu loron 23 fulan maiu tinan ne’e, ekipa ba lanu implementasaun Master Plan ne’ebe lidera husi Eis Primeiru Ministru Dr. Mari Alkatiri ba vizita Oecusse no simu husi komunidade Distritu oecusse. Komunidade Oecusse entusiazmu hodi rona sosializasaun Master Plan ne’ebe aprejenta husi Eis Primeiru Ministru Mari Alkatiri. Iha sosializasaun ne’e komunidade sira husu esplikasaun kona ba Master Plan ne’ebe atu implementa iha Distritu refere. 

 “Ho programa Master Plan ne’e it abele hatene katak, signifikante ba Prospriedade povu no rai, rai iha Timor Leste, liu-liu Oecusse iha statutu rua, ida mak statutu publiku nian, maka estadu nian, ida seluk mak rai privadu nian, ne’e rejolve oinsa,” dehan Xhefe suku. 

“Sei sees an husi fatin ne’e metru hira, tamba populasaun ne’ebe hela ne’eba ne’e hela besik los foho no tasi, ne’ebe atu hasai sira ne’e hasai ba ne’ebe,” husu komunidade. 

Hatan ba kestaun ne’e Dr. Mari Alkatiri ba lideransa no komunidade inkluindu eprejarius hateten, programa Master Plan ne’e kria, atu hadia povu Oecusse iha kurtu no Longu prazu. 

“Dadus ita haree husi populasaun Oecusse iha porjeitu ne’e dehan iha 58.000 ultrakoiza, atu hadia familia nia vida, ninia komunidade nia vida, nia distritu no nia nasaun nia vida, mudansa ne’e mediu, longu praju naruk liu, mudansa ne’e pozitivu de’it, mais ba prazu badak ne’e advezes ema balun senti katak negativu, nia lakon boot buat ruma, mais lolos ne’e la lakon, ne’e lakon ohin para manan barak liu aban,” dehan Mari Alkatiri. 

 Sosializasaun programa Master Plan ne’e, veteranus, emprejarius, lider komunitariu no komunidade antusiazmu rona esplikasaun husi Mari Alkatiri hodi nune’e, wainhira to’o implementasaun Povu bele fo kontribui ba programa ne’e. 

,