“CPD-RDTL Husu PR Veta Lei Rai Tamba La Fo valor Ba Timoroan”

.

Notisia Husi TVTL - Kuarta-Kalan, 29 Maiu 2013 

Porta Vos CPD-RDTL hato’o lamentasaun kona ba lei ba rai no propriedade ne’ebe oras ne’e Ministeriu da Justica hala’o sosialijasaun. 

Tuir CPD-RDTL katak, lei rai ne’e la’os foun maibe Ministeriu kontinua deit lei rai ne’ebe uluk Veta husi eis Prezidenti da Republika Jose Ramos Horta. 

“Ministru Justica lori fali de’it lei ne’ebe prezidenti anterior, Irmaun Jose Ramos Horta veta no halo kaduka tiha ona iha tinan 2011, liu-liu fo valor nafatin ba sertifikadu kolonial ne’ebe kolonialismu nia servisu sira uza hodi hadau povu ki’ik sira nia rai n o propriedades durante okupasaun Portuguies no Indonesia, invez de halo lei foun hodi proteze povu sira nia direitu, sei lori nafatin nia karakter kolonial no neo kolonial hodi halakon povu kiik sira nia diretu lejitimu no mos la fo benefisiu ba proteze povu kiik sira nia diretu atu restaura fali sira nia rai no propriedade ne’ebe lakon durante okupasaun estranjeiru,” dehan Gil Ferdi. 

CPD-RDTL mos husu ba Prezidenti da Republika actual atu veta lei rai ne’e, tamba tuir sira katak, lei rai ne’e fo liu valor ba ema estranjeiru duke povu iha rai laran. 

.